आन्दोलनलाई तिब्रता दिँदै यातायात व्यवस्था कार्यालय नेपालगन्जका कर्मचारी बिदामा

स्थानीय

गृहपृष्ठ
स्थानीय
आन्दोलनलाई तिब्रता दिँदै यातायात व्यवस्था कार्यालय नेपालगन्जका कर्मचारी बिदामा

आन्दोलनलाई तिब्रता दिँदै यातायात व्यवस्था कार्यालय नेपालगन्जका कर्मचारी बिदामा

मंगलबार, साउन २४, २०७९ बागेश्वरी पोस्ट

नेपालगन्ज । असमान रुपमा तलब वृद्धि गरेको भन्दै निजामती कर्मचारीहरूका सहायक चौथो, पाँचौ र छैठौंका कर्मचारीहरुले यातायात व्यवस्था कार्यालय नेपालगन्जमा आज कामकाज बन्द गरेका छन् ।

असमान रुपले तलब वृद्धि गरेका विरूद्ध र प्रस्तावित संघीय निजामती सेवा ऐनमा समावेश गर्नुपर्ने मागका सन्दर्भमा कर्मचारीले आन्दोलनलाई तिब्रता दिँदै यातायात कार्यालय नेपालगन्जका सहायक चौथो, पाँचौ र छैठौं तहका कर्मचारीले कामकाज बन्द गरेको यातायात व्यवस्था कार्यालय नेपालगन्जका सहायक पाँचौ रमेश रेग्मीले बताए ।

अर्थ मन्त्रालयले श्रावण १ गतेदेखि लागु हुने गरी अधिकृत भन्दा माथिका राजपत्रांकित कर्मचारीलाई २५ प्रतिशत र सो भन्दा मुनिका कर्मचारीलाई १५ प्रतिशत तलव बढाउने निर्णय गरेपछि देशव्यापी आन्दोलनका कार्यक्रम अनुसार कर्मचारी आन्दोलित भएर आज यातायात कार्यालय नेपालगन्जका सबै नायव सुब्बा र त्यो भन्दा मुनिका कर्मचारीहरुले कामकाज बन्द गर्नुपरेको रेग्मीले बताए ।

सहायक चौथो, पाँचौ र छैठौं तहका कर्मचारीलाई सरकारले विभेदपूर्ण तरिकाले गरेको हेपाह प्रबृत्तिका कारण आज सबै काम बन्द गर्नुपर्दा सेवाग्राहीलाई पर्न गएको असुबिधाप्रति दुःख समेत प्रकट गरेको रेग्मीले बताए ।

असमान तरिकाले तलव वृद्धि गरेको भन्दै कर्मचारी आन्दोलनमा उत्रिएका हुन् । आज देशैभरका छैठौं, पाचौं र सहायक चौथो पदका कर्मचारीहरु बिदामा बसेका छन् ।

प्रकाशित मिति: मंगलबार, साउन २४, २०७९ १४:४१

प्रतिक्रिया दिनुहोस्