युएई प्रस्थान गर्दै गरेका ५ युवती त्रिभुवन अन्तर्राष्ट्रिय विमानस्थलबाट पक्राउ

सुरक्षा-अपराध

गृहपृष्ठ
सुरक्षा-अपराध
युएई प्रस्थान गर्दै गरेका ५ युवती त्रिभुवन अन्तर्राष्ट्रिय विमानस्थलबाट पक्राउ

युएई प्रस्थान गर्दै गरेका ५ युवती त्रिभुवन अन्तर्राष्ट्रिय विमानस्थलबाट पक्राउ

बिहीबार, साउन २६, २०७९ बागेश्वरी पोस्ट

नेपालगन्ज । कुवेत ट्रान्जिट पारेर युएई जाँदै गरेका ५ जना युवती त्रिभुवन अन्तर्राष्ट्रिय विमानस्थलको अध्यागमन कार्यालयबाट पक्राउ परेका छन् ।

जजीरा एयरबाट टुरिष्ट भीसामा कुवेत हुँदै युएई जान लागेका पाँच युवतीले पेस गरेको कागजात नक्कली भेटिएपछि अध्यागमनले पक्राउ गरी उनीहरुलाई प्रहरीको जिम्मा लगाएको छ । विमानस्थलबाट पक्राउ पर्नेमा माया तामाङ, पार्वती सार्की,अञ्जु बोहोरा,करुणा सिंह ठकुरी र सोमी धिताल रहेको विमानस्थल प्रहरी स्रोतले बताएको छ।

विमानस्थल अध्यागमन कार्यालयले भ्रमणको उदेश्य स्पष्ट नभएका टुरिष्ट भीसा वहाक यात्रुहरुको मलेसिला, खाडीलगायत मुलुकको भ्रमणमा कडाई गरेको छ । मानव तस्करको सञ्जालले ती युवतीहरुलाई राम्रो काममको प्रलोभन देखाई युएई लैजाने तयारी गरेका थिए। टुरिष्ट भीसामा मलेसिया,खाडी मुलुक गएका नेपालीहरुले काम नपाउने र अनावश्यक दुस्ख पाउने गुनासो आउन थालेपछि अध्यागमन कार्यालयले कडाई गर्दै आएको छ ।

अध्यागमन कार्यालयले हिजो पनि युएई जान लागेका १८ महिलासहित २२ जनालाई प्रस्थान अनुमति दिन अस्वीकार गरेको थियो । उनीहरुले आफ्नो यात्राको उद्देश्य स्पष्ट पार्न नसकेको र विचौलियाको माध्यमबाट ती महिला युएई जान लागेको भन्दै अध्यागमनले उनीहरुलाई फिर्ता गरेको थियो ।

प्रकाशित मिति: बिहीबार, साउन २६, २०७९ १५:५२

प्रतिक्रिया दिनुहोस्