सल्यानमा नियन्त्रणमा लिइएको बाघलाई बाँके राष्ट्रिय निकुञ्जमा ल्याइयो

स्थानीय

गृहपृष्ठ
स्थानीय
सल्यानमा नियन्त्रणमा लिइएको बाघलाई बाँके राष्ट्रिय निकुञ्जमा ल्याइयो

सल्यानमा नियन्त्रणमा लिइएको बाघलाई बाँके राष्ट्रिय निकुञ्जमा ल्याइयो

बुधबार, भदौ १, २०७९ बागेश्वरी पोस्ट

फाइल फोटो

नेपालगन्ज । सल्यानको कालीमाटी गाउँपालिकाबाट एउटा पाटेबाघलाई नियन्त्रण गरेर बाँके राष्ट्रिय निकुञ्जमा ल्याइएको छ।

कालीमाटी गाउँपालिका वडा नम्बर ७ को बाटुले गाउँका तुल्सी कुमारी घर्तीको गोठमा बाँधेका गोरुहरुलाई नियन्त्रणमा लिइएको बाघले मारेपछि स्थानीयले प्रहरीलाई खबर गरेका थिए।बाघ नियन्त्रणमा लिइएको छ।

खबर पश्चात् बाघ नियन्त्रणका लागि बर्दिया राष्ट्रिय निकुञ्ज सुरक्षार्थ देवीदत्त गणको नेपाली सेना र प्राविधिकको टोली पनि सल्यान पुगेको थियो। प्रहरी, नेपाली सेना र डिभिजन वन कार्यालयको टोलीले आज बिहान उक्त पाटेबाघ नियन्त्रणमा लिएको हो।

कालीमाटी ७ बाटुले गाउँमा बिहान ६ बजेतिर उक्त बाघले गोठमा बाँधेका दुइटा गोरु मारेको प्रहरीले जनाएको छ। घुइँयाबारी प्रहरी चौकीका अनुसार बाघको आक्रमणबाट एउटा गोरु समेत घाइते भएको छ।

घर्तीको गोठदेखि दुई सय मिटर पश्चिममा रहेको बाँसघारीमा बसिरहेको बेला बाघ नियन्त्रणमा लिइएको प्रहरीले जनाएको छ। उक्त बाघलाई आजै बाँके राष्ट्रिय निकुञ्जमा ल्याइसकेको छ।

प्रकाशित मिति: बुधबार, भदौ १, २०७९ १५:४६

प्रतिक्रिया दिनुहोस्