कोहलपुरको आरती सामुदायिक वनमा बालक मृत फेला, हत्याको आशंकामा केही व्यक्ति पक्राउ

सुरक्षा-अपराध

गृहपृष्ठ
सुरक्षा-अपराध
कोहलपुरको आरती सामुदायिक वनमा बालक मृत फेला, हत्याको आशंकामा केही व्यक्ति पक्राउ

कोहलपुरको आरती सामुदायिक वनमा बालक मृत फेला, हत्याको आशंकामा केही व्यक्ति पक्राउ

बुधबार, भदौ १, २०७९ बागेश्वरी पोस्ट

नेपालगन्ज । बाँकेमा एक जना बालक मृत फेला परेका छन् । कोहलपुर नगरपालिका वडा नम्बर ७ स्थित आरती सामुदायिक वनभित्र जानकी गाउँपालिका ६ का १६ वर्षिया शिव लोनिया मृत अवस्थामा फेला परेको इलाका प्रहरी कार्यालय कोहलपुरले जानकारी दिएको छ ।

आज विहान करिब १० बजेतिर बालक मृत अवस्थामा फेला परेपछि प्रहरीलाई खबर गरिए लगत्तै घटनास्थलमा इलाका प्रहरी कार्यालय कोहलपुरको टोली पुगेको थियो । प्रहरीले उक्त बालकको हत्या भएको हुन सक्ने बताएको छ ।

एक ठाँउमा हत्या भएको र अर्को स्थानमा शव भेटिएकाले उक्त घटनालाई प्रहरीले सामान्य रुपमा नलिएको इलाका प्रहरी कोहलपुरले जनाएको छ । हत्याको आशंकामा प्रहरीले ४ जनालाई पक्राउ गरेको छ ।

स्थानीयहरुका अनुसार मृतक दाउरा लिन वनमा गएको तर मृतकका अंकलले भने रुखको हाँगोले लागेर मृत्यु भएको बताएपनि हत्या भएको हुन सक्ने प्रहरीले अनुमान गरेको छ ।

पक्राउ परेकाहरुसँग थप अनुसन्धान भइरहेको र शवलाई पोेष्टमार्टमका लागि भेरी अस्पतालमा ल्याइएको छ ।

प्रकाशित मिति: बुधबार, भदौ १, २०७९ १९:०४

प्रतिक्रिया दिनुहोस्