बसको ठक्करबाट अटोमा सवार तीन जनाको मृत्यु

सुरक्षा-अपराध

गृहपृष्ठ
सुरक्षा-अपराध
बसको ठक्करबाट अटोमा सवार तीन जनाको मृत्यु

बसको ठक्करबाट अटोमा सवार तीन जनाको मृत्यु

बिहीबार, भदौ २, २०७९ बागेश्वरी पोस्ट

नेपालगन्ज । बसको ठक्करबाट अटो रिक्सामा सवार तीन जनाको मृत्यु भएको छ । ठक्करबाट एक जना महिला घाइते भएकी छिन् ।

रौतहटको चन्द्रपुर नगरपालिका २ को पूर्वपश्चिम राजमार्गको लच्कामा आज बिहान काठमाडौंबाट सर्लाही जाँदै गरेको बागमती प्रदेश ०३- ००१ ख २०१ नम्बरको बसले सर्लाहीबाट वीरगञ्जतर्फ आउँदै गरेको प्रदेश २-०२-००१ ह २१०९ नम्बरको अटो रिक्सालाई ठक्कर दिंदा तीन जनाको मृत्यु भएको जिल्ला प्रहरी कार्यालय रौतहटले जनाएको छ ।

दुर्घटनामा परी मृत्यु हुनेमा सर्लाही २ सोल्टीका प्रेम ठाडा मगर, ढकबहादुर लुंगेली र अटो चालक रवि मगर रहेको प्रहरीले जनाएको छ । अटोमा सवार रहेका उनीहरुलाई अस्पताल ल्याउँदै गर्दा बाटोमा मृत्यु भएको प्रहरीले जानकारी दिएको छ ।दुर्घटनामा लुंगेलीकी श्रीमती सविना लुंगेली घाइते भएकी छिन् । उनको चन्द्रपुर अस्पतालमा उपचार भइरहेको प्रहरीले जनाएको छ ।

ठक्कर दिने बस र चालकलाई नियन्त्रणमा लिएर थप अनुसन्धान गरिरहेको जिल्ला प्रहरी कार्यालय रौतहटले जनाएको छ ।

प्रकाशित मिति: बिहीबार, भदौ २, २०७९ १०:३४

प्रतिक्रिया दिनुहोस्