दाङमा टिपरमा आगजनी, घटना संकाष्पद देखिएपछि चालक र सहचालक पक्राउ

सुरक्षा-अपराध

गृहपृष्ठ
सुरक्षा-अपराध
दाङमा टिपरमा आगजनी, घटना संकाष्पद देखिएपछि चालक र सहचालक पक्राउ

दाङमा टिपरमा आगजनी, घटना संकाष्पद देखिएपछि चालक र सहचालक पक्राउ

मंगलबार, भदौ ७, २०७९ बागेश्वरी पोस्ट

फाइल फोटो

नेपालगन्ज । दाङमा आज बिहानै अज्ञात समूहले एउटा टिपरमा आगजनी गरेको छ । घोराहीदेखि लमही जाँदै गरेको रा १ ख १६९४ नम्बरको टिपरमा बिहान ४ बजेतिर बबई खोलाको पुल नजिक आगजनी भएको जिल्ला प्रहरी दाङले जनाएको छ ।

टिपर चालकले बिहान चार-पाँच जनाको समूहले आगजनी गरेर भागेको बताएका छन् ।आगजनीका कारण टिपरको अघिल्लो भाग जलेर नष्ट भएको प्रहरीले जानकारी दिएको छ ।

आज विप्लव समूहले नेपाल बन्द गरेका कारण सोही समूहले वा अरु कसैले लगाएको भन्नेबारे अनुसन्धान भइरहँदा बिप्लवका जिल्ला सक्रेटरी प्रदीप वलीले आफुहरुको बन्द शान्तिपूर्ण रहने र तोडफोड र आगजनीको कुनै कार्यक्रम नरहेको स्पष्ट पार्दै टिप्परमा आफुहरुले आगजनी नगरेको जानकारी दिएका छन् ।

घटना अली संकाष्पद रहेको जिल्ला प्रहरी दाङ प्रमुख एसपी सुरेश काफ्लेले बताए । टिप्परका चालक २८ बर्षीय अरुण चौधरी र सचालकलाई नियन्त्रणमा लिइएको उनले जानकारी दिए । उक्त टिप्पर दुई दिन अगाडिदेखि बिग्रिएर मर्मतका लागि ग्यारेजमा लगिएको थियो । चालकले गाडी धनीलाई समेत कुनै जानकारी नदिएर राप्ती गाउँपालिका स्थित आफ्नो घरतर्फ जान खोजेको भनेर बयान गर्नु, आगलागीपछि चालक र सहचालकले समयमै प्रहरीलाई खबर नगर्नु जस्ता कारणहरुले घटना संकाष्पद देखिएको एसपी काफ्लेले बताए । उनीहरुलाई नियन्त्रणमा लिएर थप अनुसन्धान भइरहेको जिल्ला प्रहरी दाङले जनाएको छ ।

प्रकाशित मिति: मंगलबार, भदौ ७, २०७९ ०९:५५