कोषाध्यक्ष बस्नेतले जमुनाह चेक प्वाइन्टमा प्रहरीलाई दिए डेस्क-बेन्च

स्थानीय

गृहपृष्ठ
स्थानीय
कोषाध्यक्ष बस्नेतले जमुनाह चेक प्वाइन्टमा प्रहरीलाई दिए डेस्क-बेन्च

कोषाध्यक्ष बस्नेतले जमुनाह चेक प्वाइन्टमा प्रहरीलाई दिए डेस्क-बेन्च

आइतबार, भदौ १२, २०७९ बागेश्वरी पोस्ट

नेपालगन्ज । नेपालगन्जको जमुनहास्थित नेपाल प्रहरीको चेक प्वाइन्टलाई नेपाली कांग्रेसका युवा नेता बाँकेका कोषाध्यक्ष यज्ञ बहादुर बस्नेतले सामाग्री सहयोग गरेका छन् ।

मिलनसार एबं सहयोगी भावनाका कांग्रेसका युवा नेता बस्नेतले सीमा नाकामा प्रहरीले सधैं उभिएर यात्रुका सामाग्री चेकजाँच गर्ने बाध्यतालाई अन्त्य गर्दै फलामे डेस्क र बेन्च सहयोग गरेका हुन् ।

उक्त डेस्क र बेन्च नेता बस्नेतले इलाका प्रहरी कार्यालयका प्रमुख वरिष्ठ प्रहरी नायब निरीक्षक माधव रिजाललाई जमुनाह नाकामा हस्तान्तरण गरेका हुन् । डेस्क र बेन्च हस्तान्तरण गर्दै नेता बस्नेतले प्रहरीका लागि आफूले सहयोग गर्न पाउँदा खुशी भएको जिकिर गरे ।

नेता बस्नेतको सहयोगले प्रहरी कर्मचारीका लागि ठूलो सहयोग मिलेको वरिष्ठ प्रहरी नायब निरीक्षक रिजालले बताए । सधैं उभिएर सामाग्री चेकजाँचको बाध्यता अन्त्य भए पश्चात् त्यहाँका सबै प्रहरीले नेता बस्नेतलाई धन्यवाद व्यक्त गरेका छन् ।

प्रकाशित मिति: आइतबार, भदौ १२, २०७९ ०८:२७

प्रतिक्रिया दिनुहोस्