बाँकेको गोर्वद्धन धाम मन्दिरमा लगाइएको भारतको झण्डा अध्यक्ष तप्त पौडेलको निर्देशनमा हटाइयो

स्थानीय

गृहपृष्ठ
स्थानीय
बाँकेको गोर्वद्धन धाम मन्दिरमा लगाइएको भारतको झण्डा अध्यक्ष तप्त पौडेलको निर्देशनमा हटाइयो

बाँकेको गोर्वद्धन धाम मन्दिरमा लगाइएको भारतको झण्डा अध्यक्ष तप्त पौडेलको निर्देशनमा हटाइयो

फहरायो नेपालको राष्ट्रिय झण्डा

आइतबार, भदौ १२, २०७९ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकाका अध्यक्ष तप्त बहादुर पौडेलको निर्देशनमा राप्ती सोनारी गाउँपालिका र नरैनापुर गाउँपालिकाको सिमानामा पर्ने अम्माखोली गोर्वद्धन धाम मन्दिरमा लगाइएको छिमेकी मुलुक भारतको राष्ट्रिय झण्डा हटाइएको छ ।

एक्कासी उक्त मन्दिरमा भारतको राष्ट्रिय झण्डा लगाइएको जानकारी आए पश्चात् अध्यक्ष पौडेलले राप्तीसोनारी तरुण दल वडा नम्बर ४ का सचिव डम्बर शाहीलाई तत्काल उक्त झण्डा हटाई नेपालको राष्ट्रिय झण्डा फहराउन निर्देशन दिएका थिए ।

अध्यक्ष पौडेलको निर्देशन पश्चात् सचिव शाहीको टोली पुगेर नेपालको राष्ट्रिय झण्डा फहराएको थियो । वर्तमान समयमा गोर्वद्धन धाम मन्दिरमा दर्शन गर्न नेपाल र भारतका विभिन्न ठाउँबाट हिन्दु धर्मका थुप्रै भक्तजनहरु आउने गर्दछन् ।

उक्त मन्दिरमा भारतको राष्ट्रिय कहिले र कसले लगायो भन्ने अहिलेसम्म जानकारी बाहिर नआएपनि अहिले मन्दिरमा नेपालको झण्डा फहराइरहेको छ ।

प्रकाशित मिति: आइतबार, भदौ १२, २०७९ ०९:०९

प्रतिक्रिया दिनुहोस्