कोहलपुरमा अतिक्रमित संरचना हटाउँदा अवरोध, डोजरमाथि ढुंगा प्रहार

स्थानीय

गृहपृष्ठ
स्थानीय
कोहलपुरमा अतिक्रमित संरचना हटाउँदा अवरोध, डोजरमाथि ढुंगा प्रहार

कोहलपुरमा अतिक्रमित संरचना हटाउँदा अवरोध, डोजरमाथि ढुंगा प्रहार

सोमबार, भदौ १३, २०७९ बागेश्वरी पोस्ट

नेपालगञ्ज । बाँकेको कोहलपुरमा अतिक्रमित संरचना हटाउँदा स्थानीयले अवरोध गरेका छन् । मेयर पूर्ण प्रसाद आचार्यको नेतृत्वमा अतिक्रमित संरचना हटाउन डोजरसहित पुगेको टोलीलाई स्थानीयले भरपर्दो विकल्पको माग गर्दै अवरोध गरेपछि तनाव सिर्जना भएको छ ।

May be an image of one or more people, people standing, outdoors and crowd

कोहलपुरको न्यूरोड क्षेत्रमा अतिक्रमण गरेर बनाइएका टहरा र संरचना हटाउन मेयर आचार्य सहितको टोली बिहानैदेखि खटिएको थियो । कोहलपुरको न्यूरोडमा रहेको २/४ वटा टहरा भत्काएर बसपार्क पुगेको डोजरमाथि स्थानीयले ढुङ्गामुढा गरेपछि तनाव सिर्जना भएको हो ।

मेयर आचार्यले अतिक्रमित संरचना हटाउने क्रममा स्थानीयले अवरोध गरेको बताएका छन् । जिल्ला ट्राफिक प्रहरी प्रमुख प्रहरी निरीक्षक हिमालय शाहले अतिक्रमित संरचना हटाइरहेको अवस्थामा स्थानीयले विरोध जनाएपछि अहिले स्थगित भएको जानकारी दिए ।

May be an image of 8 people, people standing and outdoors May be an image of 1 person and outdoors