विपद् पूर्व तयारीका लागि नेपालगञ्जमा कृत्रिम घटना अभ्यास

स्थानीय

गृहपृष्ठ
स्थानीय
विपद् पूर्व तयारीका लागि नेपालगञ्जमा कृत्रिम घटना अभ्यास

विपद् पूर्व तयारीका लागि नेपालगञ्जमा कृत्रिम घटना अभ्यास

शनिबार, भदौ १८, २०७९ बागेश्वरी पोस्ट

नेपालगञ्ज । विपद् पूर्व तयारीका लागि समुदायस्तरमा भूकम्प तथा आगलागी सम्वन्धि कृत्रिम घटना अभ्यास नेपालगञ्जको बडा नम्बर ३ र ७ मा सम्पन्न भएको छ ।

युरोपियन युनियनको सहयोग तथा युनिसेफ नेपाल, युएनडिपी, युएन उमनको साझेदारीमा नेपालगञ्ज उपमहानगरपालिका वडा नम्बर ३ र ७ मा रेडक्रस बाँकेद्वारा संचालित शहरी विपद् तथा भूकम्पीय पूर्व तयारी परियोजनाद्वारा विपद् प्रतिकार्यमा समुदायको क्षमता अभिबृद्धि गर्ने अभिप्रायले उक्त कृत्रिम घटना अभ्यास कार्यक्रम आयोजना गरिएको हो ।

No description available.

कृत्रिम अभ्यासमा समुदायले भूकम्प तथा आगलागीमा अपनाउनुपर्ने पूर्व तयारी, खोज तथा उद्दार, प्राथमिक उपचार तथा स्थानीय स्रोत साधनको प्रयोग सम्वन्धमा अभ्यास गरिएको थियो । नेपालगञ्ज उपमहानगरको वडा नम्बर ३ र ७ मा शुक्रवार र शनिवार आयोजना भएको अभ्यास कार्यक्रमा वडा स्तरीय विपद् व्यवस्थापन समिति, स्थानीय स्वयंसेवक, रेडक्रसकर्मीको सहभागितामा रहेको थियो ।

कृत्रिम अभ्यास कार्यक्रममा नेपाल रेडक्रस सोसाइटी बाँके शाखाका सभापति गोवर्धनसिंह सम्झना, नेपालगञ्ज उपमहानगरपालिका वडा नम्बर ७ का वडा अध्यक्ष प्रशान्त श्रेष्ठ, वडा नम्बर ३ का वडा अध्यक्ष अयुव सिद्धिकी र नेपालगञ्ज उपमहानगरपालिकाको विपद् फोकल पर्सन प्रकाश डिसी, दुवै वडाका जनप्रतिनिधि, नेपाल रेडक्रस सोसाइटी सदरलाइन उपशाखाका सभापति ओमप्रकाश आजाद, युनिसेफ नेपालका प्रतिनिधि अशिम श्रेष्ठ, नेपाल प्रहरीका प्रतिनिधि, दमकल सेवाका प्रतिनिधि र स्वयंसेवकहरुको सहभागिता रहेको नेपाल रेडक्रस सोसाइटी बाँकेका सूचना व्यवस्थापन अधिकृत रुपन ज्ञवालीले जानकारी दिए । सहजीकरण कार्यक्रम अधिकृत प्रहलाद विश्वकर्माले गरेका थिए ।

No description available.