प्रमुख प्रशासकीय अधिकृत खत्रीको २ गोलले राप्तीसोनारीका जनप्रतिनिधि पराजित

स्थानीय

गृहपृष्ठ
स्थानीय
प्रमुख प्रशासकीय अधिकृत खत्रीको २ गोलले राप्तीसोनारीका जनप्रतिनिधि पराजित

प्रमुख प्रशासकीय अधिकृत खत्रीको २ गोलले राप्तीसोनारीका जनप्रतिनिधि पराजित

जनप्रतिनिधिका कप्तान ओलीले गरे २ गोल ,स्थानीय फुटबल क्लबलाई सामाग्री हस्तान्तरण

बुधबार, भदौ २२, २०७९ बागेश्वरी पोस्ट

नेपालगन्ज । राप्तीसोनारी गाउँपालिकाले निजामती सेवा दिवस मनाइएको छ । निजामति सेवा दिवसको अवसरमा राप्तीसोनारी गाउँपालिकाका कर्मचारीहरुले विहान सरसफाई गर्दै मैत्रीपुर्ण फुटबल खेल खेलेको छ।

निजामती सेवा दिवसका अवसरमा राप्तीसोनारी गाउँपालिकामा कर्मचारी र जनप्रतिनिधिबिच भएको खेलमा कर्मचारीतर्फबाट गाउँपालिकाकाका जनप्रतिनिधि ३-२ गोलले पराजित भएको छ। कर्मचारीतर्फका प्रमुख प्रशासकीय अधिकृत हरि बहादुर खत्रीको २ गोलको मदतले जनप्रतिनिधि पराजित भएको हो।

निर्धारित ६० मिनेटको खेलको पहिलो हाफकै दोस्रो मिनेटमा कर्मचारीका कप्तान खत्रीले पहिलो गोल गर्दै कर्मचारीलाई १-० गोलले अग्रता दिलाएका थिए। खेलको ११ मिनेटमा पुनः खत्रीले अर्को गोल गर्दै खेललाई २-० ले अग्रता दिलाएका थिए। त्यस्तै २४ औं मिनेटमा कर्मचारीका कृष्ण रोकायले गोल गर्दै खेललाई ३-० को अग्रता दिलाएका थिए।

खेलको ३८ र ५६ औं मिनेटमा जनप्रतिनिधिका कप्तान एबम राप्तीसोनारीका अध्यक्ष ज्ञानेद्र ओलीले क्रमशः २ गोल गरे। खेल अवधिभर कर्मकारीका खत्रीले उत्कृष्ट प्रदर्शन गरेका थिए। त्यस्तै अर्को खेलमा महिला कर्मचारीले महिला जनप्रतिनिधिलाई १-० गोलले पराजित गरेको छ।

खेल पश्चात् राप्तीसोनारी गाउँपालिका अध्यक्ष तप्त बहादुर पौडेलले सहभागी खेलाडीहरुलाई प्रमाणपत्र वितरण गर्दै जनप्रतिनिधि र कर्मचारीले खेलमा जस्तै कार्यालयमा पनि हातेमालो गर्दै अगाडि बढनु पर्ने बताएका थिए। त्यस्तै अध्यक्ष पौडेल र प्रमुख प्रशासकीय अधिकृत खत्रीले ५० हजार रुपैयाँ बराबरका खेल सामाग्री स्थानीय क्लबका प्रतिनिधी वसन्त ओलीलाई हस्तान्तरण गरेका थिए।

प्रकाशित मिति: बुधबार, भदौ २२, २०७९ २१:४४

प्रतिक्रिया दिनुहोस्