बर्दियामा चितुवाको आक्रमणबाट २० महिने बालक घाइते

स्थानीय

गृहपृष्ठ
स्थानीय
बर्दियामा चितुवाको आक्रमणबाट २० महिने बालक घाइते

बर्दियामा चितुवाको आक्रमणबाट २० महिने बालक घाइते

मंगलबार, भदौ २८, २०७९ बागेश्वरी पोस्ट

नेपालगञ्ज । बर्दियामा चितुवाको आक्रमणबाट २० महिने बालक घाइते भएका छन् । सदरमुकाम गुलरिया—८ जय बागेश्वरी टोलमा घरमा खेलिरहेको अवस्थामा चितुवाले आक्रमण गर्दा २० महिने बालक घाइते भएका छन् । सीमावर्ती भारतको कतरनिया वन्यजन्तु आरक्षबाट आएको चितुवाले उनलाई आक्रमण गरेको स्थानीयले बताएका छन् ।

डिभिजन वन कार्यालय बर्दियाका सूचना अधिकारी एवं सहायक वन अधिकृत द्रोण शर्माले भेरी गंगा नगरपालिका—१३ जाजरकोट घर भई माइत आएकी रेजिना वलीका छोरा विक्रम शाहीलाई चितुवाले आक्रमण गरेको बताए ।

सोमबार बेलुकी साढे ७ बजे झम्टिन लाग्दा स्थानीयले हो–हल्ला गरेपछि चितुवाले भागेको सूचना अधिकारी शर्माले जनाए । चितुवाबाट आक्रमणमा सामान्य घाइते भएका शाहीको जिल्ला अस्पतालमा उपचार भइरहेको छ ।

प्रकाशित मिति: मंगलबार, भदौ २८, २०७९ १३:१७

प्रतिक्रिया दिनुहोस्