नरैनापुरको प्रमुख प्रशासकीय अधिकृतको जिम्मेवारी खरालले सम्हाले

स्थानीय

गृहपृष्ठ
स्थानीय
नरैनापुरको प्रमुख प्रशासकीय अधिकृतको जिम्मेवारी खरालले सम्हाले

नरैनापुरको प्रमुख प्रशासकीय अधिकृतको जिम्मेवारी खरालले सम्हाले

मंगलबार, भदौ २८, २०७९ बागेश्वरी पोस्ट

नेपालगञ्ज । बाँकेको नरैनापुर गाउँपालिकाको प्रमुख प्रशासकीय अधिकृतको जिम्मेवारी मणिराम खरालले सम्हालेका छन् । प्रमख प्रशासकीय अधिकृत खरालले आजदेखि नरैनापुर गाउँपालिकामा प्रमुख प्रशासकीय अधिकृतको जिम्मेवारी सम्हालेका हुन् ।

संघीय मामिला तथा सामान्य प्रशासन मन्त्रालयले खराललाई प्रमुख प्रशासकीय अधिकृतको रूपमा सरूवा गरेको हो । यसअघि नरैनापुर गाँउपालिकाको निमित्त प्रमुख प्रशासकीय अधिकृतको भूमिका निर्वाह गर्दै आएका भरत बस्नेतले सोही पालिकाको लेखा अधिकृतको जिम्मेवारी सम्हालेका छन् ।

गाउँपालिका अध्यक्ष इस्तियाक अहमद शाह र उपाध्यक्ष जयन्तीकुमारी श्रीवास्तव लगायत अन्य जनप्रतिनिधि र कर्मचारीले खराललाई स्वागत गरेका थिए । अध्यक्ष शाहले कोरोनाको पहिलो चरणमा नरैनापुर गाउँपालिकामा सात महिना प्रमुख प्रशासकीय अधिकृतको जिम्मेवारी निर्वाह गरेका खरेलले संकटको समयमा निर्वाह गरेको भूमिकाको प्रशंसा गरेका थिए । शाहले फेरि पनि सुख्खाग्रस्त क्षेत्र नरैनापुरमा खराल दोस्रो पटक आएको भन्दै खुसी व्यक्त गरे ।

No description available.

गाउँपालिका कार्यालय नरैनापुरमा अध्यक्ष शाह, उपाध्यक्ष श्रीवास्तव, जनप्रतिनिधि, निमित्त प्रमुख प्रशासकीय अधिकृतको जिम्मेवारी निर्वाह गरेका लेखा अधिकृत भरत बस्नेत, वडा नम्बर २ का वडा अध्यक्ष मसुद अहमद शाह, जिन्सी शाखा प्रमुख एवं वडा नम्बर ५ का सचिव भरत महतो, नरैनापुरको विपत शाखाका प्रमुख लक्ष्मीकान्त मिश्रा, लेखापाल प्रकाश अधिकारी तथा अन्य कर्मचारीले प्रमुख प्रशासकीय अधिकृत खराललाई स्वागत गरे ।

No description available.

खराल सुशासन र आर्थिक पारदर्शितामा अब्बल प्रशासकका रुपमा चिनिन्छन् । यसअघि पनि थुप्रै स्थानीय तहमा प्रमुख प्रशासकीय अधिकृत भएर काम गरिसकेको उनीसँग अनुभव छ । नरैनापुर गाउँपालिकाको समग्र विकास र समृद्धिका लागि आफूले इमान्दारितापूर्वक काम गर्ने खरालले प्रतिवद्धता जनाएका छन् ।

प्रकाशित मिति: मंगलबार, भदौ २८, २०७९ १३:४२

प्रतिक्रिया दिनुहोस्