नेपालगञ्जमा फोहर व्यवस्थापन तथा कवाडमा काम गर्नेलाई खोप

स्थानीय

गृहपृष्ठ
स्थानीय
नेपालगञ्जमा फोहर व्यवस्थापन तथा कवाडमा काम गर्नेलाई खोप

नेपालगञ्जमा फोहर व्यवस्थापन तथा कवाडमा काम गर्नेलाई खोप

बुधबार, भदौ २९, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकामा आजदेखि टिडी खोप लगाउन सुरु गरिएको छ । टिटी खोपको सट्टामा टिडी खोप लगाइएको हो ।

फोहर व्यवस्थापन तथा कवाडमा काम गर्ने श्रमिकलाई लक्षित गरी खोप अभियान सुरु गरिएको नेपालगञ्ज उपमहानगरपालिका स्वास्थ्य महाशाखाका जनस्वास्थ्य निरीक्षक जागेश्वर बस्नेतले जानकारी दिए ।

आज पहिलो दिन नेपालगञ्ज उपमहानगरपालिकाको वडा नम्वर २ र ११ का २१४ जनालाई खोप लगाइएको छ । त्यसमा महिला ७४ जना र पुरुष १४० जना रहेको बस्नेतले बताए ।

No description available.

नेपालगञ्ज उपमहानगरपालिका, एमडिएम फ्रान्स र भेरी वातावरणीय विशिष्टता समूहको संयुक्त पहलमा खोप लगाउने अभियान सुरु भएको हो ।

५५० जनालाई खोप लगाउने लक्ष्य लिइएको छ । खोप अभियान भोलीसम्म चल्ने पनि बस्नेतले जानकारी दिए । यसपछि पनि खोप लगाउन उत्सुक देखिए सबै वडामा विस्तार गर्ने योजना रहेको उनले बताए । यो खोप देशभरमा अहिले काठमाण्डौ महानगरपालिका, सिसडोल र नेपालगञ्जमा मात्र लगाइएको छ ।

टिडी खोप पाँच डोज लगाउनुपर्दछ । पहिलो डोज लगाएको चार हप्तापछि दोस्रो डोज, दोस्रो लगाएको ६ महिनापछि तेस्रो डोज, तेस्रो डोज लगाएको कम्तमा एक बर्षपछि चौथो र चौथो डोज लगाएको कम्तीमा एक बर्षपछि पाँचौ डोज लगाउनुपर्दछ ।

No description available.