मृत्युसँग पौठेजोरी खेलिरहेका कोहलपुरका राजकुमार चिडिमार !

स्थानीय

गृहपृष्ठ
स्थानीय
मृत्युसँग पौठेजोरी खेलिरहेका कोहलपुरका राजकुमार चिडिमार !

मृत्युसँग पौठेजोरी खेलिरहेका कोहलपुरका राजकुमार चिडिमार !

आइतबार, असोज २, २०७९ बागेश्वरी पोस्ट

नेपालगन्ज । आधा दशक अघि इट्टाभट्टामा काम गर्ने क्रममा राजकुमार चिडिमार पोलिए । उनका शरीरका विभिन्न भागमा आगोले जलायो । धन्न ज्यान जोगियो । तर, दुखाईको पीडा अहिलेसम्म ठिक भएको छैन ।

कोहलपुर नगरपालिका–१४ हवल्दारपुरका राजकुमार चिडिमार माथि तस्वीरमा देखिएझै महिनौदेखि यसैगरी लडिरहेका छन् । उनलाई आगोले पोलेको दुखाई त छँदै छ मनको जलन पनि उत्तिकै छ । छोराबुहारीले एक्लै छाडेर रोजगारीका लागि भारत पसेपछि राजकुमार झनै गल्दै गएका छन् ।

न एक गास खाना खुवाउने घरमा कोही छन् न त आफ्नो शरीर चल्छ । वर्ष दिन अघिसम्म उनी अलिअलि हिँड्डुल गर्न सक्थे । तर, अहिले त्यो अवस्था छैन । जनता आवास कार्यक्रमले घर बनाइदिएको छ । घर त बन्यो । तर घरमा राजकुमार बाहेक अरु कोही छैन ।

उनलाई प्यास लाग्दा एक अञ्जुली पानी दिने कोही छैन । भुइँमा लडिरहेका उनको हालतबारे बताउँदै स्थानीय समाजसेवी जीतबहादुर थापा भन्छन्–‘राजकुमारको कहालीलाग्दो अवस्था देख्दा मुटु भक्कानिएर आउँछ ।’

उनी शारीरिकरुपमा तन्दरुस्त हुँदा सरकारबाट मासिक भत्ता पाउँथे । आगलागीमा पोलिँदा नागरिकतासहित सबै कागजात पनि जल्यो । त्यसपछि उनले भत्ता पाउन छाडे । उनीमाथि प्रहारै प्रहार भएको थापा दु:खेसो सुनाउँछन् ।

उनलाई मानवीय उद्दारको आवश्यकता देख्छन् थापा । 'कम्तिमा पनि मानव सेवाका अभियन्ताहरुले उनको उद्दार गरेर एक गास खाने र बस्ने व्यवस्था गरिदिए हुन्थ्यो,' थापा आग्रह गर्छन् ।

प्रकाशित मिति: आइतबार, असोज २, २०७९ १७:४५

प्रतिक्रिया दिनुहोस्