खजुरामा सप्तमीको दिन दशैं महोत्सव हुने

स्थानीय

गृहपृष्ठ
स्थानीय
खजुरामा सप्तमीको दिन दशैं महोत्सव हुने

खजुरामा सप्तमीको दिन दशैं महोत्सव हुने

सोमबार, असोज ३, २०७९ बागेश्वरी पोस्ट

खजुरा । हिन्दु नेपालीहरुको महान पर्व बडा दशैंको अवसर पारेर बाँकेको खजुरामा दशैं महोत्सवको आयोजना गरिने भएको छ । स्थानीय एक नम्बर बजारमा आयोजना गरिन लागेको दशैं महोत्सव तथा साँस्कृतिक कार्यक्रम २०७९ को आज सचिवालयको उद्घाटन गरिएको छ । आदर्श युवा बचत समुह (आदर्श युवा क्लव) खजुराले असोज १६ गते सप्तमीका दिन अयोजना गर्न लागेको महोत्सव सचिवालयको उद्घाटन खजुरा गाउँपालिका वडा नम्बर ३ का वडाध्यक्ष पूर्ण बहादुर भण्डारीले गरे ।

उद्घाटन गर्दै वडाध्यक्ष भण्डारीले युवाहरुको समूहले एकजुट भएर सामाजिक कार्यहरुसहित दशैंको बेला सद्भाव कायम गर्दै गरिन लागिएको महोत्सवलाई सबैले सहयोग गर्नुपर्ने बताए । आफ्नो परम्परा, रितिथिति जोगाउन युवाहरु लागेकोप्रति खुसी व्यक्त गर्दै अध्यक्ष भण्डारीले महोत्सवको सफलताको शुभकामना व्यक्त गरे । स्थापनाकालदेखि नै सामाजिक कार्य गर्दै आइरहेको समूहले विगतका वर्षहरुमा सामाजिक कार्यसँगै विभिन्न पर्वहरुलाई हर्ष उल्लासका साथ मनाउन निरन्तर रुपमा साँस्कृतिक कार्यक्रमहरु संचालन गर्दै आइरहेको युवा समूूहले यसपटक दशैं पर्वलाई वृहत बनाउन शुभकामना आदानप्रदान, साँस्कृतिक कार्यक्रम, स्थनीय सामुदायिक विद्यालयलाई डस्टविन वितरणसँगै निःशुल्क स्वास्थ्य शिविर समेत संचालन गरिने दशैं महोत्सव तथा साँस्कृतिक कार्यक्रम २०७९ का संयोजक खगेन्द्र दाहालले जानकारी दिए ।

आदर्श युवा समूहले खजुरामा एक किसिमको छुट्टै छाप बसाल्न सफल समेत भैसकेको भन्दै युवा नेता तिलकविर सुनारले युवाको अग्रसरतालाई सबैले साथ दिन आवश्यक रहेको बताए । आर्दश माविका प्रधानाध्यापक राजेन्द्र सापकोटाले महोत्सवले खजुराको पहिचानलाई थप चिनाउन मद्दत गर्ने विश्वास व्यक्त गरे । अरुणोदय माविका प्रधानाध्यापक ऋषिकेश जिसीले महोत्सवमा रमाउने मात्र नभएर सामाजिक कार्यप्रतिको क्रियाशिलताले थप रौनकता थप्ने बताए ।

बिगतका बर्षहरु जस्तै यस बर्ष पनि खजुरा बजार एक नम्बरमा थप व्यवस्थित तवरले ‘सामाजिक सद्भाव कायम राख्दै हर्ष उमङ्गका साथ पर्व मनाऔं' भन्ने नारा सहित ‘दशैं महोत्सव तथा साँस्कृतिक कार्यक्रम’ मा राष्ट्रिय तथा स्थानीय स्तरमा ख्याति कमाएका कलाकारहरुको प्रस्तुति, स्वास्थ्य शिविर, स्थानीय विद्यालयलाई सहयोग साथमा उपहार योजनासहित भव्य समारोहका बीच कार्यक्रम संचालन गर्ने आयोजक आदर्श युवा बचत समूहका अध्यक्ष देव बहादुर कुँवरले जानकारी दिए । महोत्सवमा खजुरा, नेपालगञ्ज, बर्दिया लगायतबाट अवलोकन गर्न आउने समूहका सचिव सुवास निरौलाले बताए ।

प्रकाशित मिति: सोमबार, असोज ३, २०७९ १२:५६

प्रतिक्रिया दिनुहोस्