काठमाडौंमा गोली चल्यो, सर्लाहीका व्यावसायी लालको हत्या

सुरक्षा-अपराध

गृहपृष्ठ
सुरक्षा-अपराध
काठमाडौंमा गोली चल्यो, सर्लाहीका व्यावसायी लालको हत्या

काठमाडौंमा गोली चल्यो, सर्लाहीका व्यावसायी लालको हत्या

सोमबार, असोज ३, २०७९ बागेश्वरी पोस्ट

नेपालगन्ज । काठमाडौंको गोठाटारमा आज साँझ अज्ञात समूहले गोली हानेर सर्लाहीका व्यावसायी लाल मोहम्मदको हत्या गरेको छ। गोली लागेर गम्भीर घाइते भएका लालको उपचारका क्रममा मृत्यु भएको हो।

गोली लागेपछि घाइते भएका मोहम्मदको टिचिङ अस्पतालमा उपचार क्रममा मृत्यु भएको प्रहरीले जनाएको छ।प्रहरीका अनुसार सर्लाहीका मोहम्मद गार्मेन्ट व्यवसायी थिए। कागेश्वरी मनोहरा नगरपालिका - ८ मा उनलाई गोली हानेर आक्रमणकारीहरू भागेको प्रहरीले जनाएको छ।

मोहम्मदमाथि आक्रमण भएको सिसिटिभी फुटेज सार्वजनिक भएको छ। उनको टाउकोमा दुईवटा र दाहिने तिघ्रामा एउटा गोली लागेको थियो । त्रिवि शिक्षण अस्पतालले उनलाई मृत घोषणा गरेको उपत्यका प्रहरी कार्यालय प्रमुख एआईजी रवीन्द्र धानुकले बताए ।गोली हानेको देखेपछि सँगै रहेको घरमा रहेकी मोहम्मदकी छोरीले एक तला माथिबाट हाम फालेर आक्रमणकारीलाई झम्टिएकी थिइन्। यसपछि बन्दुकधारीहरू भागेका थिए।

गोली हान्ने व्यक्तिको खोजी गरिरहेको प्रहरीले जनाएको छ। घटनास्थलमा बन्दुक पनि फेला परेको प्रहरीले जनाएको छ।रातो टिर्सट र जिन्स लगाएको र मोटरसाइकलमा आएका व्यक्तिले मोहम्मदलाई गोली हानेको थियो । काठमाडौं प्रहरी परिसर र उपत्यका अपराध अनुसन्धान कार्यालयको टोलीले घटनाको अनुसन्धान गरिरहेको छ । हत्याराहरुको चौतर्फ खोजी भइरहेको र काठमाडौंका हरेका नाकामा चेकजाँच गरिरहेको प्रहरीले जनाएको छ।

प्रकाशित मिति: सोमबार, असोज ३, २०७९ २२:२६

प्रतिक्रिया दिनुहोस्