काठमाडौंको कपनमा आगलागी हुँदा तीन जनाको मृत्यु

समाचार

गृहपृष्ठ
समाचार
काठमाडौंको कपनमा आगलागी हुँदा तीन जनाको मृत्यु

काठमाडौंको कपनमा आगलागी हुँदा तीन जनाको मृत्यु

बुधबार, असोज ५, २०७९ बागेश्वरी पोस्ट

नेपालगञ्ज । काठमाडौंको कपनमा आगलागी हुँदा तीन जनाको मृत्यु भएको छ । आज बेलुकी पौने ७ बजे कपनको एक घरमा आगलागी हुँदा तीन जनाको मृत्यु भएको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले जानकारी दिए ।

घरमा रहेको ग्यास सिलिन्डर पड्किएर आगलागी भएको प्रहरीले जनाएको छ । प्रहरी उपरीक्षक मैनालीका अनुसार मृतक तीन जनाको पहिचान खुलेको छैन । त्यस्तै केही घाइते पनि भएका छन् । उनीहरुलाई टिचिङ अस्पताल महाराजगन्जमा उपचारका लागि लगिएको छ ।

कति व्यक्ति घाइते भएका छन् भन्ने यकिन नभइसकेको प्रहरी उपरीक्षक मैनालीले बताए । आगलागी नियन्त्रणमा लिन काठमाडौं, ललितपुर र भक्तपुरको दमकल प्रयोग गरिरहेको प्रहरीले जनाएको छ ।

प्रकाशित मिति: बुधबार, असोज ५, २०७९ २१:११

प्रतिक्रिया दिनुहोस्