नेपालगञ्जका एचआइभी संक्रमित बालबालिकालाई पोषण सामग्री

स्थानीय

गृहपृष्ठ
स्थानीय
नेपालगञ्जका एचआइभी संक्रमित बालबालिकालाई पोषण सामग्री

नेपालगञ्जका एचआइभी संक्रमित बालबालिकालाई पोषण सामग्री

बिहीबार, असोज १३, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाभित्रका एचआइभी संक्रमित बालबालिकाहरुलाई पोषण सामग्री वितरण गरिएको छ । नेपालगञ्ज उपमहानगरपालिकाको आयोजना तथा टुगेदर विइथ नेपाल र होप ब्रिजको सहकार्यमा ११ जना बालबालिकालाई पोषण सामग्री वितरण गरिएको हो ।

No description available.

नेपालगञ्ज उपमहानगरपालिकाका नगर उपप्रमुख कमरुद्दिन राई र उपमहानगरपालिकाका स्वास्थ्य महाशाखाका जनस्वास्थ्य निरीक्षक जागेश्वर बस्नेतले ती बालबालिकाहरुलाई पोषण सामग्री वितरण गरेका हुन् । चामल, दाल, तेल, अण्डासहित सम्पूर्ण पोषण सामग्री एक जनालाई २ हजार ५ सय मूल्य बराबरको रहेको बस्नेतले बताए ।

नगरपालिकाभित्रका एचआइभी संक्रमित १८ वर्ष मुनीका बालबालिकाहरुको स्वास्थ्यलाई ध्यानमा राखेर टुगेदर विइथ नेपाल र होप ब्रिजसँगको सहकार्यमा उपमहानगरपालिकाले पोषण सामग्री वितरण गरेको हो । वितरण कार्यक्रममा बोल्दै नगर उपप्रमुख राईले स्वास्थ्य समस्यासँग जुधिरहेका त्यस्ता बालबालिकाहरुको रोग प्रतिरोधात्मक क्षमतालाई समेत बढ्ने तयार पारिएको पोषण सामग्री उनीहरुका लागि उपयोगी भएको बताए ।

प्रकाशित मिति: बिहीबार, असोज १३, २०७९ १६:४१

प्रतिक्रिया दिनुहोस्