नरैनापुरमा दशैँको शुभकामना आदानप्रदान

स्थानीय

गृहपृष्ठ
स्थानीय
नरैनापुरमा दशैँको शुभकामना आदानप्रदान

नरैनापुरमा दशैँको शुभकामना आदानप्रदान

बिहीबार, असोज १३, २०७९ बागेश्वरी पोस्ट

नरैनापुर (बाँके) । बाँकेको नरैनापुर गाँउपालिकाले आज दशैँ मिलन तथा शुभकामना आदानप्रदान कार्यक्रम सम्पन्न गरेको छ ।

नरैनापुरका प्रमुख प्रशासकीय अधिकृत मणिराम खरालको अध्यक्षतामा सम्पन्न कार्यक्रममा बोल्दै प्रमुख प्रशासकीय अधिकृत खरालले समाज रुपान्तरणका लागि कुरा भन्दा काम गर्न अझै बाँकी रहेको बताए । हरेक ब्यक्तिले आफ्नो क्षमता वृद्धिसँगै आर्थिक सशक्तिकरणका लागि कदम उठाउन आवश्यक रहेको खरालले बताए ।

यसैगरी कार्यक्रममा बोल्दै वडा नम्बर ४ का अध्यक्ष मनोज शर्माले शक्तिकी देवी दुर्गा माताले हरेक नागरिकहरुलाई शक्ति प्रदान गर्नुका साथै हरेक नागरिकहरुको उत्थानका लागि काम गर्ने प्रेरणा प्रदान गरून् भन्दै दशैँको शुभकामना दिएका थिए । वडा नम्बर ६ का अध्यक्ष प्रेम मौर्यले हिन्दु धर्मावलम्बीहरुको महत्वपूर्ण पर्व बडा दशैँले हरेक नागरिकलाइ खुसी, उमंगका दिनुका साथै आर्थिक भारकै कारणले दशैँ कसैका लागि दशा नबनोस् भन्दै शुभकामना व्यक्त गरे ।

यसैगरी जिन्सी शाखाका प्रमुख भरत महतोले दशैँ पर्बमा दुर्गा माताले हरेक नागरिकलाई आदर्श, मूल्य मान्यता सुशासन जस्ता कुराको पालना गर्ने सत्बुद्धि देउन् भन्दै शुभकाना दिए । शुभकामना अदानप्रदान कार्यक्रममा नरैनापुर गाउँपालिका अन्तरगत् शिक्षा, स्वास्थ्य, महिला विकास, पशु लगायत शाखाका प्रमुख तथा प्रतिनिधिहरुको सहभागिता रहेको थियो ।

प्रकाशित मिति: बिहीबार, असोज १३, २०७९ १६:५५

प्रतिक्रिया दिनुहोस्