बस दुर्घटना हुँदा २ को मृत्यु, ३६ जना घाइते

समाचार

गृहपृष्ठ
समाचार
बस दुर्घटना हुँदा २ को मृत्यु, ३६ जना घाइते

बस दुर्घटना हुँदा २ को मृत्यु, ३६ जना घाइते

सोमबार, असोज १७, २०७९ बागेश्वरी पोस्ट

नेपालगन्ज । बस अनियन्त्रित भएर नालामा खस्दा २ जनाको मृत्यु भएको छ भने ३६ जना घाइते भएका छन् ।

गएराती काठमाडौंबाट झापा जाँदै गरेको ना ७ ख २०३२ नम्बरको यात्रुबहाक बस मकवानपुरको हेटौंडा उपमहानगरपालिका १५ चुरीयामाइ मन्दिर नजिक दुर्घटना भएको हो ।

दुर्घटनामा झापा दमक ५ का ६० वर्षीय दिल्लीबहादुर दर्जी र मोरङ जिल्ला बेलबारी ८ का अन्दाजी ५१ वर्षीय कल्पना राजबंशीको मृत्यु भएको जिल्ला प्रहरी कार्यालय मकवानपुरले जानकारी दिएको छ ।

दुर्घटनामा सामान्य घाइते भएका ३० जना हेटौंडा अस्पतालमा उपचारपछि घर फर्किएका छन् भने ३ जनालाई थप उपचारका लागि भरतपुर र २ जनालाई काठमाडौं पठाइएको छ ।

१ जनाको भने हेटौंडामैं उपचार भइरहेको प्रहरीले जानकारी दिएको छ । दुर्घटनाको बारेमा अनुसन्धान भइरहेको जिल्ला प्रहरी मकवानपुरले जनाएको छ ।

प्रकाशित मिति: सोमबार, असोज १७, २०७९ ०९:१२

प्रतिक्रिया दिनुहोस्