त्रिभुवन अन्तर्राष्ट्रिय विमानस्थलबाट सन्दिप लामिछाने पक्राउ

सुरक्षा-अपराध

गृहपृष्ठ
सुरक्षा-अपराध
त्रिभुवन अन्तर्राष्ट्रिय विमानस्थलबाट सन्दिप लामिछाने पक्राउ

त्रिभुवन अन्तर्राष्ट्रिय विमानस्थलबाट सन्दिप लामिछाने पक्राउ

बिहीबार, असोज २०, २०७९ बागेश्वरी पोस्ट

नेपालगन्ज । नेपाली राष्ट्रिय किक्रेट टोलीका पूर्व कप्तान सन्दीप लामिछाने नेपाल अवतरण भएसँगै प्रहरीसामु आत्मसमर्पण गरेका छन् ।

नाबालिक बलात्कारको आरोप लागेका लामिछाने कतार एअरवेजको जहाजबाट भर्खरै त्रिभुवन अन्तराष्ट्रिय विमानस्थलमा अवतरण भएका लामिछानेले प्रहरी सामु आत्मसमर्पण गरेका हुन् । लामिछानेलाई प्रहरीले विमानस्थलबाट प्रकाउ गरेको छ । उनलाई सिधै गौशाला प्रहरी वृतमा लगिँदैछ । गौशाला लगेर उनीसँग आबश्यक अनुसन्धान गरिने प्रहरीले बताएको छ ।

यसअघि उनले सामाजिक सञ्जालमा आज बिहान १० बजे कतार एयरबाट नेपाल आइपुग्ने र प्रहरीसमक्ष आफूलाई बुझाउने बताएका थिए ।त्यसका लागि विमानस्थलमा प्रहरी पनि तैनाथ थियो । तर, मौसम खराबीका कारण कतार एयर अवतरण हुनसकेपछि केहीबेर आकाशमा फन्को लगाएको थियो ।

सन्दीपले होटलमा लगेर आफ्नो बलात्कार गरेको आरोप लगाउँदै १७ वर्षीया एक नाबालिगले प्रहरी वृत्त गौशालामा भदौ २१ गते किटानी जाहेरी दिएकी थिइन् ।

ती नाबालिगले दिएको जाहेरी अनुसार सन्दीपले पिङ्गलास्थानको होटल ‘काठमाडौं इन’ मा लगेर भदौ ५ गते राति बलात्कार गरेका थिए।घटना भएको भनिएको भोलिपल्ट भदौ ६ गते टि–२० श्रृंखला खेल्न सन्दीप केन्या उडेका थिए ।त्यसपछि उनी क्यारेबियन लिग खेल्न जमैका पुगेको बेला उनीविरूद्ध काठमाडौंमा किटानी जाहेरी परेको थियो ।

प्रकाशित मिति: बिहीबार, असोज २०, २०७९ ११:१५