बारामा बस दुर्घटना हुँदा १६ जनाको मृत्यु, ३० बढी घाइते

समाचार

गृहपृष्ठ
समाचार
बारामा बस दुर्घटना हुँदा १६ जनाको मृत्यु, ३० बढी घाइते

बारामा बस दुर्घटना हुँदा १६ जनाको मृत्यु, ३० बढी घाइते

बिहीबार, असोज २०, २०७९ बागेश्वरी पोस्ट

नेपालगन्ज । बस दुर्घटनामा १६ जनाको मृत्यु भएको छ । पूर्व–पश्चिम राजमार्गअन्तर्गत बाराको जितपुर सिमरा उपमहानगरपालिका २२ मा आज बिहान बस दुर्घटना हुँदा मृत्यु हुनेको सङ्ख्या १६ पुगेको छ ।

दुर्घटनामा घाइते भएकाहरु मध्ये १२ जनाको हेटौँडा अस्पतालमा मृत्यु भएको मकवानपुर प्रहरीले जनाएको छ । चितवनको नारायणगढबाट वीरगञ्जतर्फ गइरहेको बागमती प्रदेश ०६–००१ ख ०११० नम्बरको बस सडकमा अनियन्त्रित भइ दुर्घटना भएको हो । दुर्घटनामा ३६ जना घाइते भएको जिल्ला प्रहरी कार्यालय मकवानपुरले जानकारी दिएको छ ।

घाइतेहरुको हेटौँडा अस्पताल, चुरेहिल अस्पताल र मकवानपुर सहकारी अस्पतालमा उपचार भइरहेको छ । घाइते केहीलाई थप उपचारका लागि चितवन लगिएको छ । प्रहरीका अनुसार मृतकको अझै सनाखत भएको छैन । प्रहरीका अनुसरण चुरेहिलमा २ जना, सहकारी अस्पतालमा १ जना र चितवनमा अर्का एक जना घाइतेको उपचारका क्रममा मृत्यु भएको हो ।

प्रकाशित मिति: बिहीबार, असोज २०, २०७९ १५:१७

प्रतिक्रिया दिनुहोस्