सिक्टाको बाँध फुटेपछि राप्ती नदी शोनवर्षा गाउँमा पस्यो

स्थानीय

गृहपृष्ठ
स्थानीय
सिक्टाको बाँध फुटेपछि राप्ती नदी शोनवर्षा गाउँमा पस्यो

सिक्टाको बाँध फुटेपछि राप्ती नदी शोनवर्षा गाउँमा पस्यो

शोनवर्षाका स्थानीयहरुलाई सुरक्षित स्थानमा पठाउँदै प्रहरी

शुक्रबार, असोज २१, २०७९ बागेश्वरी पोस्ट

नेपालगन्ज । मंगलबार रातिदेखि परेको वर्षाका कारण राप्ती नदीमा आएको बाढीले नरैनापुर वडा ६ शोनवर्षा, गंगापुर र कुदरबेटवा डुबानमा परेका छन् ।

राप्ती नदीमा पानीको सतह बढेपछि सिक्टाले शोनवर्षा नजिक बनाएको बाँध शुक्रबार फुटेपछि शोनवर्षा लगायतका गाउँहरु डुवानमा परेका छन् ।

बाढीको भंगालो मानव बस्तीमा पसेपछि स्थानीय वडा नम्बर ६ शोनवर्षा, गंगापुर लगायतका गाउँ डुवानमा परेको नरैनापुर गाउँपालिका अध्यक्ष इश्तियाक अहमद शाहले बताए ।

इलाका प्रहरी कार्यालय भगवानपुरका प्रहरी निरिक्षक बिरबहादुर सुनार नेतृत्वको प्रहरी टोली शोनवर्षा पुगेर स्थानीहरुको सहयोगमा फुटेको बाँधमा माटो पटान सुरु गरेको छ भने शोनवर्षाका स्थानीयहरुलाई सुरक्षित स्थानमा लैजाने तयारी भइरहेको प्रहरी निरिक्षक सुनारले जानकारी दिए ।

सिक्टाको बाँध फुटेपछि पूरै मानव बस्ती जलमग्न भएको छ । राप्ती नदीमा पानीको सतह बढेपछि उक्त बाँध फुटेर मानव मस्तीमा पसेको हो । यता गाउँपाकिलका अध्यक्ष शाहले बाढी प्रभावित बस्तीमा नेपाल प्रहरी र सशस्त्र प्रहरी परिचालन गरी तटीय क्षेत्रका नागरिकहरुलाई सुरक्षित ठाउँ पठाउने तयारी गरिएको बताउँदै मानवीय क्षति हुन नदिन आफू लागिपरेको बताए । सिक्टाले बनाएको बाँध फुटेपछि गाउँपालिका अध्यक्ष शाहको प्रत्यक्ष निगरानीमा बाँधमा माटो पटान भइरहेको स्थानीयहरुले बताएका छन् ।

बाढी पूर्वानुमान महाशाखाका अनुसार थप वर्षा हुने पूर्वानुमान रहेकोल ठूला तथा साना नदीमा एक्कासी बहाव बढ्न सक्ने भएकाले तटीय क्षेत्रमा सतर्कता अपनाउन आग्रह गरेको छ ।

प्रकाशित मिति: शुक्रबार, असोज २१, २०७९ २०:४०

प्रतिक्रिया दिनुहोस्