राप्तीसोनारीमा जीप दुर्घटना, ४ जना घाइते

स्थानीय

गृहपृष्ठ
स्थानीय
राप्तीसोनारीमा जीप दुर्घटना, ४ जना घाइते

राप्तीसोनारीमा जीप दुर्घटना, ४ जना घाइते

बुधबार, असोज २६, २०७९ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकामा जीप दुर्घटना हुँदा ४ जना घाइते भएका छन् । दुर्घटनामा २ जना पुरुष गम्भीर घाइते भएका छन् ।

कोहलपुरबाट अगैयातर्फ जाँदै गरेको बाग्मती प्रदेश ०१०२८च ००४४ नम्बरको जीप अनियन्त्रित भएर आज बिहान ६ राप्तीसोनारी गाउँपालिका वडा नम्बर २ स्थित महेन्द्र राजमार्गमा पर्ने झुरी खोला नजिक दुर्घटना हुँदा जीप चालक अतल ज्ञवाली र कृष्णप्रसाद खतिवडा गम्भीर घाइते भएको प्रहरी चौकी अगैयाका इन्चार्ज प्रहरी सहायक निरीक्षक राम बहादुर चन्दले जानकारी दिएका छन् ।

दुर्घटनामा सुमित्रा खतिवडा र रन्जना खतिवडा सामान्य घाइते भएको प्रहरी सहायक निरीक्षक चन्दले बताए । सबै घाइतेहरुलाई नेपालगन्ज मेडिकल कलेज कोहलपुर लगिएको चन्दले बताए ।

दुर्घटना भएको खबर पाए लगत्तै प्रहरी सहायक निरीक्षक राम बहादुर चन्द सहितको टोली दुर्घटनास्थल गएर घाइतेहरुको उद्दार गरी कोहलपुर पठाएको अगैयाका स्थानीय युवा एवम् समाजसेवी वसन्त वलीले जानकारी दिएका छन् ।

प्रकाशित मिति: बुधबार, असोज २६, २०७९ ०८:४२

प्रतिक्रिया दिनुहोस्