तुलसीपुरको दमारगाउँ जङ्गलमा किशोर-किशोरी गाडिएको अवस्थामा भेटिए

सुरक्षा-अपराध

गृहपृष्ठ
सुरक्षा-अपराध
तुलसीपुरको दमारगाउँ जङ्गलमा किशोर-किशोरी गाडिएको अवस्थामा भेटिए

तुलसीपुरको दमारगाउँ जङ्गलमा किशोर-किशोरी गाडिएको अवस्थामा भेटिए

आइतबार, असोज ३०, २०७९ बागेश्वरी पोस्ट

नेपालगन्ज । दाङको तुलसीपुर १३ स्थित दमारगाउँ जङ्गलमा गाडिएको अवस्थामा किशोर–किशोरीको शव फेला परेको छ ।

स्थानीय १५ वर्षीया रोशनी महतरा क्षेत्री र दंगीशरण गाउँपालिका वडा नं ६ थपगाउँका १४ वर्षीय शरद आचार्यको शव गाडिएको अवस्थामा आज दिउँसो फेला परेको इलाका प्रहरी कार्यालय तुलसीपुरले जनाएको छ ।

प्रहरीका अनुसार असोज २७ गते रातिदेखि उनीहरु बेपत्ता भएका थिए । असोज २८ गते आचार्यको हजुरआमा आएर प्रहरीमा नाती हराएको भन्दै खोजी गरिदिन आग्रह गरेकी थिइन् ।

घर परिवारले सुरूमा उनीहरु प्रेममा परेर भागेको हुन सक्ने आशंका गर्दै आएका थिए । प्रहरीका अनुसार उनीहरुको हत्यापछि कसैले खाडलमा गाडेको हुनसक्ने बताइएको छ ।

उनीहरु दुबै जना स्थानीय अम्बापुर माविमा कक्षा ९ मा अध्ययनरत थिए । अधिकारी दमार गाउँमै मामा घरमा बसेर अध्ययन गर्दै आएका थिए ।उनकी आमा र बुवाको छोडपत्र भएका कारण उनीहरू आमासँगै मामा घरमा बस्दै आएको प्रहरीले बताएको छ ।

गाईबस्तु चराउन गएका स्थानीयले गन्ध आएपछि नियालेर हेर्दा खाडलमा गाडेको अवस्थामा शव देखेपछि प्रहरीलाई खबर गरेका थिए ।

घटनाबारे अनुसन्धान जारी रहेको इलाका प्रहरी कार्यालय तुलसीपुरले जानकारी दिएको छ ।

प्रकाशित मिति: आइतबार, असोज ३०, २०७९ १७:४३

प्रतिक्रिया दिनुहोस्