उपसभामुख शिवमाया तुम्बाहाम्फेलाई राजीनामा गराउने तयारी

राजनीति

गृहपृष्ठ
राजनीति
उपसभामुख शिवमाया तुम्बाहाम्फेलाई राजीनामा गराउने तयारी

उपसभामुख शिवमाया तुम्बाहाम्फेलाई राजीनामा गराउने तयारी

शनिबार, पुस २६, २०७६ बागेश्वरी पोस्ट

काठमाडौं ।नेकपाले उपसभामुख शिवमाया तुम्बाहाम्फेलाई राजीनामा गराउने निर्णय गरेको छ । प्रधानमन्त्री निवास बालुवाटारमा शनिबार बसेको नेकपा सचिवालयको बैठकमा सभामुखमा उम्मेदवार दिने र उपसभामुख तुम्बाहम्फेलाई राजीनामा गराउने निर्णय गरेको हो ।

सभामुखमा उम्मेदवारी दिने निर्णय भएको भन्दै प्रवक्ता नारायणकाजी श्रेष्ठले भने, ‘यसका लागि हाम्रो पार्टीको तर्फबाट उपसभुमुखमा निर्वाचित शिवमाया तुम्बाहाम्फेले राजीनामा दिने निर्णय भएको छ । स्रोतका अनुसार स्वास्थ्यका कारण प्रधानमन्त्री ओली बैठकमा सहभागी हुन सकेका थिएनन् ।

यद्यपि उनकै सहमतिमा निर्णय भएको नेताहरुले बताएका छन् । बैठकमा अध्यक्ष पुष्पकमल दाहाल प्रचण्डले तुम्बाहाम्फेसँग शुक्रबार भएको छलफलबारे ब्रिफिङ गरेका थिए । नेकपाका अध्यक्षद्धयसँग भएको भेटमा तुम्बाहाम्फले आफूलाई सभामुख बनाउने निर्णय गरे मात्र उपसभामुखबाट राजीनामा दिने, नभए सदन सुचारु गरेर सभामुख निर्वाचनको प्रक्रिया सुरु गर्ने अडान लिएकी थिइन्।

सचिवालय बैठकमा नेताहरुले उपसभामुखको अडान उपयुक्त नभएको धारणा राखेका थिए । तर सभामुखको उम्मेदवार कसलाई बनाउने भन्ने कुनै छलफल नभएको नेताहरुले बताएका छन् । ’अनलाइन खबरबाट।्

प्रकाशित मिति: शनिबार, पुस २६, २०७६ १९:११

प्रतिक्रिया दिनुहोस्