सरस्वती मावि भवनियापुरलाई राप्तीसोनारी अध्यक्ष कपको उपाधि

स्थानीय

गृहपृष्ठ
स्थानीय
सरस्वती मावि भवनियापुरलाई राप्तीसोनारी अध्यक्ष कपको उपाधि

सरस्वती मावि भवनियापुरलाई राप्तीसोनारी अध्यक्ष कपको उपाधि

सोमबार, माघ ९, २०७९ बागेश्वरी पोस्ट

राप्तीसोनारी (बाँके) । बाँकेको राप्तीसोनारी गाउँपालिकामा आज सम्पन्न भएको ‘पन्ध्रौं राष्ट्रिपति रनिङ्ग शिल्ड छनौट प्रतियोगिता तथा ५ औं राप्तीसोनारी गाउँपालिका स्तरीय अध्यक्ष कप रनिङ्ग शिल्ड खेलकुद प्रतियोगिताको उपाधि सरस्वती मावि भवनियापुरले जितेको छ ।

सरस्वती माविले खेदकुद प्रतियोगितामा ९ स्वर्ण ३ रजत र १ कास्य प्राप्त गरी प्रथम भएको हो । यस्तै लक्ष्मी मावि मदुईले ७ स्वर्ण, ३ रजत र ३ कास्य प्राप्त गरी दोस्रो स्थान ल्याउन सफल भएको छ भने सिद्देश्वर मावि सिधनवाले ५ स्वर्ण, ५ रजत र १ कास्य प्राप्त गरी तृतीय स्थान ल्याउन सफल भएको छ ।

यस्तै एथ्लेटिक्स प्रतियोगितामा छात्रतर्फ लक्ष्मी मावि मदुईमा अध्ययनरत सतिश थारु र छात्रातर्फ सम्झना थारु उत्कृष्ट भएका छन् ।

यस्तै भलिबल प्रतियोगितामा छात्रतर्फ लक्ष्मी मावि मदुईमा अध्ययनरत सुरक्षा थारु र छात्रातर्फ सरस्वती मावि भवनियापुरमा अध्ययनरत निकिता कुमाई थारु उत्कृष्ट भएका छन् ।

विजयी विद्यालय र खेलाडीहरुलाई राप्तीसोनारी गाउँपालिका प्रमुख तप्त पौडेल, उपाध्यक्ष मनिषासिंह थारु, नेरामाविका विव्यस अध्यक्ष अर्जुन कुमार केसी, प्रअ ओम प्रकाश थापा र वडा अध्यक्षहरु लगायतले शिल्ड तथा पुस्कार वितरण गरेका थिए ।

समापन कार्यक्रममा बोल्दै राप्तीसोनारी गाउँपालिका अध्यक्ष पौडेलले खेलकुदका माध्यमबाट राप्तीसोनारीलाई चिनाउन र पहिचान बढाउनका लागि वडा अध्यक्ष कप सञ्चालन गर्नुपर्नेमा जोड दिएका थिए ।

यस्तै स्व.सञ्जु चौधरीको सम्झनामा खेलाडीलाई प्रोत्साहान गर्नका लागि राप्तीसोनारी गाउँपालिकाका अध्यक्ष पौडेलले २ लाखको अक्षय कोषको स्थापना गरेका छन् ।

अक्षय कोषबाट आएको व्याज रकमबाट बार्षिक रुपमा पछि एक कार्यविधि निमार्ण गरी पालिका भित्रका ऐथ्लेटिक्स तर्फका उत्कृष्ट छात्रा खेलाडिलाई पु्रस्कृत गर्नेछन् । यस अक्षय कोषमा व्यक्ति तथा संघ–संस्थाहरुले समेत रकम थप गर्ने मिल्ने गरी कोष खडा गरिएको अध्यक्ष पौडेलले बताए ।

समापन समाहरोमा बोल्दै उपाध्यक्ष थारुले युवाहरु खेलकुदप्रति रुचि बढेको बताइन् । सबै विद्यालयहरुलाई खेलकुदलाई प्राथमिकता दिन विद्यालयहरुलाई आग्रह गरिन् ।

यस्तै प्रतियोगिताको सञ्चालन तथा व्यवस्थापनका संयोजक तथा नेरामाविका विव्यस अध्यक्ष अर्जुन कुमार केसीले खेदकुदलाई भव्य, सभ्य र शान्तिपूर्ण तरिकाले सञ्चालनमा सहयोग पु¥याउनुहुने सम्पूर्ण सामुदायिक र संस्थागत विद्यालयका प्रअ, विव्यस अध्यक्ष र खेलकुद समितिका संयोजक र सदस्य लगायत सम्पूर्ण खेल गुरुहरुलाई समेत धन्यवाद व्यक्त गरेका थिए ।

प्रकाशित मिति: सोमबार, माघ ९, २०७९, २२:११:००

प्रतिक्रिया दिनुहोस्