आजदेखि सुरु भयो नेपालगन्जको ५० बेडको अक्सिजनसहितको आइसोलेसन

स्थानीय

गृहपृष्ठ
स्थानीय
आजदेखि सुरु भयो नेपालगन्जको ५० बेडको अक्सिजनसहितको आइसोलेसन

आजदेखि सुरु भयो नेपालगन्जको ५० बेडको अक्सिजनसहितको आइसोलेसन

शुक्रबार, वैशाख १७, २०७८ बागेश्वरी पोस्ट

नेपालगन्ज । नेपालगन्ज उपमहानगरपालिकाले तयार पारेको ५० बेड अक्सिजन सहितको आइसोलेसन सेन्टर आजदेखि सन्चालनमा आएको छ।

नेपालगन्ज १३ रामलिला मैदानमा रहेको उपमहानगरपालिकाको तालिम केन्द्रमा बनेको आइसोलेसन सेन्टरको नेपालगन्जका मेयर डा. धवल शम्शेर राणा, उप-प्रमुख उमा थापा मगर,बाँकेका प्रमुख जिल्ला अधिकारी शिबराम गेलाल, भेरी अस्पतालका प्रमुख डा. प्रकाश थापा र बाँके प्रहरी प्रमुख ओम बहादुर रानाले संयुक्त रुपमा उद्घाटन गर्दै आइसोलेसन सन्चालनमा आएको जनस्वास्थ्य निरीक्षक जागेश्वर बस्नेतले जानकारी दिएका छन् ।

नेपालगन्ज उपमहानगरपालिकाले बनाएको उक्त आइसोलेसन भने भेरी अस्पतालको मातहतमा रहने छ।

आजदेखि सन्चालनमा आएको उक्त आइसोलेसनमा अक्सिजन आबश्यक पर्ने कोरोना संक्रमितलाई राखिने र जटिल खाले बिरामीलाई भेरी अस्पताल रिफर गरिने उप-प्रमुख थापा मगरले जानकारी दिएकी छिन् ।