खजुराको गुनाना चोकमा बसको ठक्करले एक जनाको मृत्यु, अवस्था तनावग्रस्त

स्थानीय

गृहपृष्ठ
स्थानीय
खजुराको गुनाना चोकमा बसको ठक्करले एक जनाको मृत्यु, अवस्था तनावग्रस्त

खजुराको गुनाना चोकमा बसको ठक्करले एक जनाको मृत्यु, अवस्था तनावग्रस्त

शनिबार, असोज २३, २०७८ बागेश्वरी पोस्ट

नेपालगन्ज । बाँकेको खजुरा गाउँपालिकामा बसले टयाक्टरलाई ठक्कर दिँदा एक जनाको मृत्यु भएको छ ।

खजुराको इलाका प्रहरी कार्यालय धनौलीदेखि ३ किलोमिटर पश्चिम गुनाना चोकमा आज बिहान साढे १० बजेतिर भे १ ख २२७४ नम्बरको बसले भे १ त ७४८८ नम्बरको टयाक्टरलाई ठक्कर दिँदा एक जनाको मृत्यु भएको प्रहरीले जानकारी दिएको छ ।

मृत्यु हुनेमा टयाक्टर धनी रहेको खुल्न आएको प्रहरीले जानकारी दिएको छ । मृतकको नाम खुल्न नसकेको प्रहरीले जानकारी दिएको छ ।

गुनाना चोक अहिले तनाबग्रस्त रहेको एक स्थानीयले जानकारी दिएका छन् । घटनाको पूर्ण विवरण केहीबेरमा आउने प्रहरीले जानकारी दिएको छ ।

प्रकाशित मिति: शनिबार, असोज २३, २०७८, ११:३९:००