रुपैडियामा एक जना मृत अवस्थामा फेला

स्थानीय

गृहपृष्ठ
स्थानीय
रुपैडियामा एक जना मृत अवस्थामा फेला

रुपैडियामा एक जना मृत अवस्थामा फेला

शुक्रबार, असार ३, २०७९ बागेश्वरी पोस्ट

नेपालगञ्ज । सीमावर्ती भारतीय बजार रुपैडियामा एक जना मृत अवस्थामा फेला परेका छन् । रुपैडियाको मुनिरगंज सट्टास्थित तलाउमा मृत भेटिएको व्यक्तिको साथमा नेपाली मतदाता नामावलीको दुई वटा परिचय पत्र फेला परेको छ ।

मृतकको साथबाट नेपालगञ्ज उपमहानगरपालिका–११ का समिर जसगढ र सैजहा जसगढको मतदाता नामावली परिचय पत्र फेला परेको भारतीय प्रहरीले जानकारी दिएको छ । मृतक र परिचय पत्रमा नाम उल्लेख भएका व्यक्ति फरक फरक भएको इलाका प्रहरी कार्यालय जमुनाहाका इन्चार्ज माधव रिजालले जानकारी दिए ।

मृतकको साथमा भेटिएको परिचय पत्रमा नेपालगञ्ज उपमहानगरपालिका वडा नम्वर ११ समिर जसगढ उल्लेख छ । नेपालगञ्ज वडा नम्वर ११ मा सम्पर्क गर्दा समिर जसगढ सम्पर्कमा आएको रिजालले बताए । मृतक नेपाली हुन् कि भारतीय हुन् भन्ने यकिन हुन सकेको छैन । भारतीय प्रहरीले शवलाई पोष्टमार्टमका लागि चिकित्सालय बहराइच पठाएको जनाएको छ ।

प्रकाशित मिति: शुक्रबार, असार ३, २०७९ १७:३५

प्रतिक्रिया दिनुहोस्