बेलायतमा एक ट्रकमा ३९ जनाको लाश भेटिएपछि सन्सारभर नै सनसनी....

विश्व

गृहपृष्ठ
विश्व
बेलायतमा एक ट्रकमा ३९ जनाको लाश भेटिएपछि सन्सारभर नै सनसनी....

बेलायतमा एक ट्रकमा ३९ जनाको लाश भेटिएपछि सन्सारभर नै सनसनी....

बिहीबार, कात्तिक ७, २०७६ एजेन्सी

लन्डन । बेलायतको राजधानी लन्डनको पुर्वी भागमा एउटा ट्रकमा ३९ जनाको लाश भेटिएपछि त्यो समाचारले संसारभर तरंग ल्याएको छ। सो ट्रक अर्को युरोपीयन राष्ट्र बेल्जियमबाट जहाजमा हालेर वेलायत ल्याइएको प्रहरीले जनाएको छ। तर ट्रक कहाँबाट बेल्जियम आइपुगेको थियो यकिन छैन।

ट्रक पुर्वी युरोपियन मुलुक बुल्गेरियाबाट आएको कतिपय बेलायती सञ्चार माध्यमले जनाएका छन्। बुल्गेरीयाको विदेशमन्त्रालयका प्रवक्ताले सो ट्रक आफ्नो मुलुकमा दर्ता रहेको जनाएका छन्।तर बल्गेरियाबाट ट्रक बेल्जियम पुगेकोमा भने आशंका ब्यक्त गरेका छन्। प्रहरीले ट्रकका चालक २५ वर्षिय आइरिस नागरिक मो रबिन्सनलाई गिरफ्तार गरेकोछ।

बेलायती प्रहरीले त्यो ट्रक कहाँबाट आएको, त्यहाँ भित्रका लास कसरी आए, ती कुन देशका मानिस हुन् र उनीहरुको कसरी मृत्यु भयो भन्ने पत्ता लगाउन लामो अनुसन्धान र धेरै समय चाहिने बताएका छन्। मानव तस्करहरुले बेलायत लैजाने क्रममा ति मानिसहरुको मृत्यु भएको हुनसक्ने प्रारम्भिक अनुमान गरिएको छ।

यो भन्दा अघि सन् २००० पनि बेलायत छिरेको एउटा ट्रकमा ५८ चिनियाँ नागरिकको लाश फेला परेको थियो।सेतोपाटीबाट साभर।

प्रकाशित मिति: बिहीबार, कात्तिक ७, २०७६ १०:०१