गृहकार्य नगरेको भन्दै कोहलपुरमा विद्यार्थी कुटिए

शिक्षा

गृहपृष्ठ
शिक्षा
गृहकार्य नगरेको भन्दै कोहलपुरमा विद्यार्थी कुटिए

गृहकार्य नगरेको भन्दै कोहलपुरमा विद्यार्थी कुटिए

आइतबार, फागुन २२, २०७८ बागेश्वरी पोस्ट

नेपालगञ्ज । बाँकेको कोहलपुरस्थित एक विद्यालयमा अध्ययनरत छात्रलाई शिक्षकले कुटेपछि अभिभावक आक्रोशित बनेका छन् ।

गृहकार्य नगरेको निहुँमा बागेश्वरी एकेडेमीका एक शिक्षकले कक्षा ४ मा अध्ययनरत बैजनाथ ४ बानियाभारका स्माइल काफ्लेलाई गालामा कुटेर घाइते बनाएको उनका अभिभावकले बताए । "होमवर्क नगरेको भनेर मेरो बाबुलाई आज एक जना शिक्षकले गालामा जथाभावी हान्दा गाला नै सुन्निएको छ, कुट्ने शिक्षक र विद्यालयलाई कारवाहीको माग गर्दै मैले इलाका प्रहरी कार्यालयमा निवेदन पनि दिएको छ, तर, सुनुवाई भएको छैन," पीडित विद्यार्थीका बुबा टंकप्रसाद काफ्ले (आशिष) ले बागेश्वरी पोष्टलाई भने-"बाबुले होमवर्क गरेको छु भनेर ब्यागबाट कपी निकाल्दा निकाल्दै किन कपी निकाल्न ढिला गरेको भनेर बेस्सरी गालामा हानिएको रहेछ ।"

यस विषयमा आफूले उजुरी गरेपनि प्रहरीले त्यति चासो नदिएको गुनासो समेत उनले गरे । पढ्न पठाएको छोराले अनाहकमा पिटाई खानु दुर्भाग्य भएको आशिषले बताए ।

प्रकाशित मिति: आइतबार, फागुन २२, २०७८ २२:००