चिकित्सक संघको अध्यक्षमा अनिलविक्रम कार्की निर्वाचित

स्वास्थ्य

गृहपृष्ठ
स्वास्थ्य
चिकित्सक संघको अध्यक्षमा अनिलविक्रम कार्की निर्वाचित

चिकित्सक संघको अध्यक्षमा अनिलविक्रम कार्की निर्वाचित

बुधबार, माघ २५, २०७९ बागेश्वरी पोस्ट

फाइल फोटो

नेपालगन्ज । नेपाल चिकित्सक संघको केन्द्रीय अध्यक्षमा डा. अनिलविक्रम कार्की निर्वाचित भएका छन् । नयाँ नेतृत्वका लागि भएको संघको निर्वाचनमा कार्कीले तीन हजार पाँच सय ३७ मत ल्याई विजयी भएको प्रमुख निर्वाचन अधिकृत डा. धनबहादुर रानामगरले बताए ।

उनका निकटत प्रतिद्वन्द्वी डा. सन्तोष पौडेलले दुई हजार तीन यस २३ मत प्राप्त गरेका छन् भने अर्का प्रत्यासी डा. शिवजी विक्रम सिलवालले एक सय ९० मत पाएका थिए ।

मधेस प्रदेश उपाध्यक्षमा डा. नीरजकुमार सिंह, बागमती प्रदेश उपाध्यक्षमा डा. प्रकाश बुढाथोकी, गण्डकी प्रदेश उपाध्यक्षमा डा. राजन शर्मा र सुदूरपश्चिम प्रदेश उपाध्यक्षमा डा. प्रशान्त भट्ट निर्वाचित भएका छन् ।

माघ २२ गतेदेखि भएको मतगणना मंगलबार सकिएको हो । यसअघि वरिष्ठ उपाध्यक्षमा डा. बद्री रिजाल, प्रदेश नम्बर १ उपाध्यक्षमा डा. विपेश आचार्य, लुम्बिनी प्रदेश उपाध्यक्षमा डा. नन्दाकुमारी गुरुङ, कर्णाली प्रदेश उपाध्यक्षमा डा. केशरबहादुर ढकाल निर्विरोध निर्वाचित भएका थिए । महासचिवमा डा. सञ्जिव तिवारी निर्वाचित भएका छन् ।

संघको सदस्यमा डा. अमृत रञ्जन मिश्र, डा. किशोर कार्की, डा. स्मृति महत, डा. सिर्जना विष्ट, डा. तेङ्सुसिंह मल्ल र डा. योभिन यादव निर्वाचित भएका छन् ।

कोषाध्यक्ष डा. प्रमोद जोशी, सह-कोषाध्यक्ष डा. विक्रान्त ढकाल र सहसचिवमा डा. लिजन महर्जन निर्विरोध निर्वाचित भएका छन् ।

निर्वाचनमा कूल १२ हजार आठ सय ३४ मध्ये छ हजार दुई सय ९२ मत खसेको छ ।

संघको नयाँ नेतृत्वमा लागि गत माघ ६ गते र ७ गते उपत्यका बाहिरका र उपत्यकामा तीन दिन माघ १९, २० र २१ गते उपत्यकामा निर्वाचन भएको थियो ।

प्रकाशित मिति: बुधबार, माघ २५, २०७९ ०९:४३