देशभर २६३८ जनामा कोरोना संक्रमण पुष्टि, २१७४ निको

स्वास्थ्य

Home
स्वास्थ्य
देशभर २६३८ जनामा कोरोना संक्रमण पुष्टि, २१७४ निको

देशभर २६३८ जनामा कोरोना संक्रमण पुष्टि, २१७४ निको

बुधवार, आश्विन २८, २०७७ बागेश्वरी पोस्ट

नेपालगन्ज । नेपालमा पछिल्लो २४ घण्टामा २ हजार ६३८ जना कोरोना संक्रमित थपिएका छन् । योसँगै नेपालमा कुल संक्रमितको संख्या १ लाख १७ हजार ९९६ पुगेको छ ।

स्वास्थ्य तथा जनसंख्या मन्त्रालयको बुधबार आयोजित नियमित पत्रकार सम्मेलनमा प्रवक्ता डा. जागेश्‍वर गौतमले दिएको जानकारीका अनुसार पछिल्लो २४ घण्टामा थप २ हजार १७४ जना संक्रमित निको भएर घर फर्किएका छन् । अहिलेसम्म निको हुनेको संख्या ८० हजार ९५४ पुगेको छ ।

बुधबारसम्म ४ हजार ६६६ जना क्‍वारेन्टाइनमा रहेका छन् भने ३६ हजार ३६७ जना आइसोलेसनमा रहेका छन् ।

पछिल्लो २४ घण्टामा १३ हजार ९४७ नमूनाको पिसीआर विधिबाट परीक्षण भएको छ भने आजसम्म कुल १२ लाख २१ हजार ३८ नमूनाको पिसीआर परीक्षण सम्पन्‍न भएको छ ।

थप १२ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेको संख्या ६७५ पुगेको मन्त्रालयले जनाएको छ ।

प्रकाशित मिति: बुधवार, आश्विन २८, २०७७, ०५:०१:००