बाँकेका ४ जनामा कोरोना पुष्टि, ३ जना डिष्चार्ज

स्वास्थ्य

गृहपृष्ठ
स्वास्थ्य
बाँकेका ४ जनामा कोरोना पुष्टि, ३ जना डिष्चार्ज

बाँकेका ४ जनामा कोरोना पुष्टि, ३ जना डिष्चार्ज

बिहीबार, असोज २१, २०७८ बागेश्वरी पोस्ट

नेपालगञ्ज । बाँकेका थप ४ जनामा कोरोना पुष्टि भएको छ । आज ३ जना कोरोना निको भई डिष्चार्ज भएका छन् ।

तीन वटा प्रयोगशालामा ७० नमुना परिक्षणमा बाँकेका ४ जनासहित १२ जनामा कोरोना पुष्टि भएको छ । अन्य जिल्लाका ८ जनामा कोरोना पुष्टि भएको छ । कोरोनाबाट थप मृत्यु भएको छैन ।

आज भेरी अस्पतालमा ६ जना र मेडिकल कलेज कोहलपुरमा ६ जनामा कोरोना संक्रमण पुष्टि भएको जिल्ला कोभिड संकट व्यवस्थापन केन्द्रका फोकल पर्सन तेज ओलीले बताए ।

हालसम्म बाँकेमा १८ हजार २ सय ७३ जना संक्रमित भएका छन् । ती मध्ये १७ हजार ८ सय ७४ जना निको भई डिष्चार्ज भएका छन् । संक्रमित मध्ये ३ सय ३५ जनाको मृत्यु भएको छ ।

जिल्लामा ६८ जना सक्रिय संक्रमित रहँदा ३३ जना अस्पताल र आइसोलेसनमा छन् भने ५६ जना होम आइसोलेसनमा छन् ।

प्रकाशित मिति: बिहीबार, असोज २१, २०७८ १६:५५

प्रतिक्रिया दिनुहोस्