बाँकेमा फेरि कोभिड देखियो, नेपालगञ्जका ३ जनामा पुष्टि

स्वास्थ्य

गृहपृष्ठ
स्वास्थ्य
बाँकेमा फेरि कोभिड देखियो, नेपालगञ्जका ३ जनामा पुष्टि

बाँकेमा फेरि कोभिड देखियो, नेपालगञ्जका ३ जनामा पुष्टि

शुक्रबार, असार १७, २०७९ बागेश्वरी पोस्ट

नेपालगञ्ज । बाँकेमा फेरि कोभिड देखिएको छ । भेरी अस्पतालमा शंकास्पद तीन वटा नमुनाको पिसिआर परीक्षण गर्दा ३ जनामा कोरोना संक्रमण पुष्टि भएको हो ।

जिल्ला कोभिड-१९ संकट व्यवस्थापन केन्द्र बाँकेका फोकल पर्सन तेज वलीले दुई जना पुरुष र १ जना महिलामा कोरोना संक्रमण पुष्टि भएको बताए । कोभिड पुष्टि भएकाहरु २ जना नेपालगञ्ज-१८ र १ जना नेपालगञ्ज-१० का हुन् । केही दिन यता नेपालगञ्जको जमुनाहा नाकामा बाहिरी जिल्लाका नागरिकहरुमा संक्रमण देखिन थालेकोमा आज बाँकेकै ३ जनामा कोभिड पुष्टि भएको हो ।

फोकल पर्सन वलीले स्वास्थ्य सुरक्षाका मापदण्डको पालना गर्न आग्रह गरेका छन् । उनले कोभिड खोप नलगाएकालाई लगाउन र दोश्रो मात्रा पूरा लगाएको ३ महिना पुगेकाहरुलाई वुस्टर खोप लगाउन आग्रह गरेका छन् ।

प्रकाशित मिति: शुक्रबार, असार १७, २०७९ ११:४६