कोहलपुरमा नि:शुल्क छाला रोग शिविर, सयौं बिरामीले लिए सेवा

स्वास्थ्य

गृहपृष्ठ
स्वास्थ्य
कोहलपुरमा नि:शुल्क छाला रोग शिविर, सयौं बिरामीले लिए सेवा

कोहलपुरमा नि:शुल्क छाला रोग शिविर, सयौं बिरामीले लिए सेवा

शुक्रबार, असार १७, २०७९ बागेश्वरी पोस्ट

नेपालगन्ज । कोहलपुर नगरपालिकामा नि:शुल्क शिविर गरीएको छ ।

कोहलपुर नगरपालिकाको आयोजनामा आज कोहलपुरमा नि:शुल्क छाला तथा यौन रोगको स्वास्थ्य शिविर गरिएको हो । उक्त शिविरमा सयौं बिरामीहरुले स्वास्थ्य सेवा लिएका थिए । नि:शुल्क शिविरमा छाला तथा यौन रोग विशेषज्ञ डा. बद्री चापागाईले बिरामीहरुको स्वास्थ्य जाँच गरेका थिए ।

नि:शुल्क शिविरको उद्घाटन गर्दै कोहलपुर नगरपालिकाका मेयर पूर्ण प्रसाद आचार्यले छाला तथा यौन रोगको समस्याबारे अझै पनि बिरामीहरु खुलेर बताउन नसक्ने भएको कारण यस्ता रोग लुकाउन नहुने बताए । मेयर आचार्यले अस्पताल जान हिचकिचाउने बिरामी र आर्थिक अवस्था कमजोर भएकाहरुका लागि यस्ता खाले नि:शुल्क शिविरले धेरै राहत दिने र आगामी दिनहरुमा कोहलपुरका सबै वडामा नि:शुल्क छाला तथा यौन रोगको शिविर संचालन गरिने आचार्यले बताए ।

शिविरमा सेवा लिन आएका बिरामीहरुमा अधिकांशमा दाद, लुतो, एलर्जी लगायतमा समस्या देखिएको डा.चापागाईले बताए ।

प्रकाशित मिति: शुक्रबार, असार १७, २०७९ १७:५०

प्रतिक्रिया दिनुहोस्