थारु समुदायले आज अटवारी पर्व मनाउँदै

संस्कृति-साहित्य

गृहपृष्ठ
संस्कृति-साहित्य
थारु समुदायले आज अटवारी पर्व मनाउँदै

थारु समुदायले आज अटवारी पर्व मनाउँदै

राप्तीसोनारी, बैजनाथ र कोहलपुरमा सार्वजनिक विदा

आइतबार, भदौ २७, २०७८ बागेश्वरी पोस्ट

नेपालगन्ज । थारु समुदायले आज अटवारी पर्व मनाउँदैछन् । भदौ महिनाको कृष्ण अष्टमीपछि शुक्लपक्षको पहिलो आइतबारका दिन थारु समुदायले यो पर्व मनाउने गर्दछन् ।

दाङ, बाँके, बर्दिया, कैलाली, कञ्चनपुर लगायतका जिल्लाका थारु समुदायले विशेष महत्वका यो पर्व मनाउने गर्दछन् । स्थानीय सरकारहरुले अटवारी पर्वको अवसरमा थारु समुदायलाई सार्वजनिक विदा दिने गर्दछन् । बाँकेमा राप्तीसोनारी, बैजनाथ र कोहलपुरले सार्वजनिक विदा दिएका छन् ।

यो पर्वमा विशेष गरी दाजुभाइले दिदीबहिनीको दीर्घायुको कामना गर्दै दिनभर व्रत बसी साँझपख भीमको पूजा गर्दछन् । व्रतपछि गहुँको पीठोबाट बनाइएका परिकार र फलफूल चढाई दिदीबहिनीको भाग छुट्याएर बचेको आफूले खाने चलन छ । दिदीबहिनीका लागि छुट्याइएको भागलाई ‘अग्रासन’ भनिन्छ । अग्रासन दाजुभाइले दिदीबहिनीको घरमै पुर्‍याइदिने गरिन्छ । अग्रासन दिएर फर्किने क्रममा दिदीबहिनीहरुले दाजुभाइलाई मनपर्ने खानेकुरा खुवाउने र उपहार दिने चलन पनि छ ।

प्रकाशित मिति: आइतबार, भदौ २७, २०७८ ०९:०४