संचार मन्त्रीलाई तत्काल बर्खास्त गर्न नेपाली कांग्रेसको माग

राजनीति

गृहपृष्ठ
राजनीति
संचार मन्त्रीलाई तत्काल बर्खास्त गर्न नेपाली कांग्रेसको माग

संचार मन्त्रीलाई तत्काल बर्खास्त गर्न नेपाली कांग्रेसको माग

बिहीबार, फागुन ८, २०७६ बागेश्वरी पोस्ट

काठमाडौं । सञ्चार तथा सूचना प्रविधि मन्त्री गोकुल बास्कोटालाई बर्खास्त गर्न प्रमुख प्रतिपक्षी दल नेपाली कांग्रेसले माग गरेको छ।

सेक्युरिटी प्रेस खरिद प्रकरणमा मुछिएका सञ्चार तथा सूचना प्रविधि मन्त्री गोकुल बास्कोटालाई बर्खास्त गरेर अनुसन्धान गर्न प्रमुख प्रतिपक्षी दल नेपाली कांग्रेसले माग गर्दै बिज्ञप्ति जारी गरेको छ ।

बास्कोटाले सेक्युरिटी प्रेस खरिदका लागि एक एजेन्टसँग अश्लिल संवाद गर्दै कमिसनको कुरा गरेको अडियो सार्वजनिक भएलगत्तै कांग्रेसले विज्ञप्ति जारी गरेर मन्त्रीको बर्खास्ती र छानबिन माग गरेको हो ।

प्रवक्ता विश्वप्रकाश शर्माद्वारा जारी विज्ञप्तिमा भनिएको छ– सेक्युरिटी प्रिन्टिङ खरिद तयारीसँगै ठूलो रकम अनियमितता तयारी भइरहेको थियो भन्ने अनुमानित विवरण यसअघि नै सार्वजनिक भएका थिए ।

तर स्वयं सञ्चारमन्त्रीले कमिसनका लागि बार्गेनिङ गरेको अडियो सार्वजनिक भएपश्चात यो अनुमान बलियो ढंगले प्रमाणित भएको छ ।’ प्रेस खरिद अनियमितता पुष्टि भएकाले उसले यसबारे अनुसन्धान गरेर सत्यतथ्य बाहिर ल्याउन शर्माद्वारा जारी गरिएको बिज्ञप्तिमा माग गरिएको छ ।

प्रकाशित मिति: बिहीबार, फागुन ८, २०७६ ११:५७

प्रतिक्रिया दिनुहोस्