महिलालाई बेहोस हुने 'स्प्रे' छर्दै घरमा लुटपाट

सुरक्षा-अपराध

गृहपृष्ठ
सुरक्षा-अपराध
महिलालाई बेहोस हुने 'स्प्रे' छर्दै घरमा लुटपाट

महिलालाई बेहोस हुने 'स्प्रे' छर्दै घरमा लुटपाट

मंगलबार, माघ १०, २०७९ बागेश्वरी पोस्ट

सांकेतिक तस्बिर

नेपालगन्ज । एक जना महिललाई बेहोस हुने 'स्प्रे' छरेर घरमा लुटपाट भएको छ । घरमा एक्लै रहेकी झिमरुक गाउँपालिका ५ ओखरकोट ढाड बजारकी संगीता खड्कालाई 'स्प्रे' छरेर सोमबार साँझ स्थानीय पदम खड्काको घरमा लुटपाट भएको हो ।

घरमा एक्लै बसिरहेको अवस्थामा संगीताको मुखमा स्प्रे छरेर बेहोस बनाउँदै ८ तोला सुन, ३ लाख रुपैयाँ नगद, एक थान टिभी, ल्यापटप र मोबाइल लुटपाट भएको हो । लुटपाट भएको टिभी र ल्यापटपलाई लुटेराहरुले घर नजिकैको नेशनल बोर्डिङ स्कुल नजिकै छोडेर गएको पीडित पदम खड्काले जानकारी दिए ।

पदमकी बुहारी संगीता मात्रै घरमा रहेको थाहा पाएर लुटपाट भएको हुन सक्ने अनुमान प्रहरीले गरेको छ । उक्त समयमा पदमसहित उनकी श्रीमती र छोरा दाजुभाईका घरमा गएका थिए । प्रहरीले लुटेरा समूहको खोजी कार्य जारी राखेको जनाएको छ ।

प्रकाशित मिति: मंगलबार, माघ १०, २०७९ १६:५७

प्रतिक्रिया दिनुहोस्