सुन तस्करी प्रकरण: होटल भियानामा छापा, बेल्जियमको नागरिक बनेका दावा पक्राउ

सुरक्षा-अपराध

गृहपृष्ठ
सुरक्षा-अपराध
सुन तस्करी प्रकरण: होटल भियानामा छापा, बेल्जियमको नागरिक बनेका दावा पक्राउ

सुन तस्करी प्रकरण: होटल भियानामा छापा, बेल्जियमको नागरिक बनेका दावा पक्राउ

आइतबार, साउन १४, २०८० बागेश्वरी पोस्ट

काठमाडौं । राजस्व अनुसन्धान विभागले एक क्विन्टल सुन प्रकरणमा काठमाडौंको ठमेलस्थित होटल भियनामा छापा मारेको छ । विभागले होटल भियानाबाट एक जनालाई पक्राउ गरेको छ ।

विभागको टोलीले आज बिहानदेखि भियनामा छापा मारेर केही कागजात र सामग्रीहरु बरामद गरेको विभागले जनाएको छ । विभागको टोलीले होटलबाट नेपाल मुलका बेल्जियमका नागरिक दावा छिरिङलाई पक्राउ गरेको छ । उक्त होटल उनकी श्रीमतीको नाममा छ ।

विभागले दावालाई हङकङबाट सुन ल्याएर नेपालमा व्यवस्थापन गर्ने गिरोहसँग जोडिएपछि पक्राउ गरेको हो । सुन तस्करी प्रकरणमा दावासँगै पक्राउ पर्नेको संख्या १८ जना पुगेका छन् ।

विभागले होटल भियानाबाट सिसिटिभी फुटेज, कम्प्युटरहरू पनि जफत गरी अनुसन्धान अघि बढाएको छ । पक्राउ परेकाहरुको बयानको आधारमा राजधानीको विभिन्न क्षेत्रमा राजश्वको टोली पुगेर छापा मारिरहेको छ ।

प्रकाशित मिति: आइतबार, साउन १४, २०८० १२:३३