बाल सुधार गृह रातभर तनावग्रस्त, घाइतेहरुको उपचार हुँदै

सुरक्षा-अपराध

गृहपृष्ठ
सुरक्षा-अपराध
बाल सुधार गृह रातभर तनावग्रस्त, घाइतेहरुको उपचार हुँदै

बाल सुधार गृह रातभर तनावग्रस्त, घाइतेहरुको उपचार हुँदै

बुधबार, भदौ २७, २०८० बागेश्वरी पोस्ट

वीरगञ्ज । वीरगञ्जमा रहेको बाल सुधार गृह दुई समूहबीच झडप हुँदा रातभर तनावग्रस्त बनेको छ । त्यहाँ रहेका कैदीबन्दीबीच विवाद उत्पन्न भई झडप हुँदा केही कैदीबन्दी समेत घाइते भएका छन् ।

विवाद भएर झडप भएर बाल सुधार गृहमा तनावग्रस्त भएपछि ठुलो संख्यामा प्रहरी परिचालन गरिएको पर्सा प्रहरीले जनाएको छ । प्रहरी परिचालन गर्दा कैदीबन्दी झन् आक्रोशमा आएर उनीहरुले बाल सुधार गृहमा तोडफोड गर्दै प्रहरीमाथि पनि ढुंगा-ईंटा प्रहार गरेका थिए।

झडपमा घाइते भएका कैदीबन्दीहरुको नारायणी अस्पतालमा उपचार भइरहेको प्रहरीले जनाएको छ ।

प्रहरीका अनुसार अहिले बाल सुधार गृहमा रातभर तनाव भएपनि अहिले अवस्था सामान्री भएको प्रहरीले जानकारी दिएको छ । अहिले पनि बाल सुधार गृह बाहिर प्रहरी परिचालन गरिएको छ ।

कैदीबन्दीबीच के कारणले विवाद भएको भन्ने बारेमा अनुसन्धान भइरहेको प्रहरीले जनाएको छ ।

प्रकाशित मिति: बुधबार, भदौ २७, २०८० ०८:३८