नेपालगन्जको बिपि चोक नजिक गोदाममा लागेको आगो नियन्त्रणमा , करिब ५० लाखको क्षति

अर्थ

गृहपृष्ठ
अर्थ
नेपालगन्जको बिपि चोक नजिक गोदाममा लागेको आगो नियन्त्रणमा , करिब ५० लाखको क्षति

नेपालगन्जको बिपि चोक नजिक गोदाममा लागेको आगो नियन्त्रणमा , करिब ५० लाखको क्षति

बिहीबार, कात्तिक ७, २०७६ बागेश्वरी पोस्ट

नेपालगन्ज । नेपालगन्जको बिपि चोक नजिकका गोदामहरुमा लागेको आगो नियन्त्रणमा आएको छ। बिपि चोक पेट्रोल पम्पदेखि २० मिटर उत्तर तर्फ रहेको जनता सिरक सप्लायर्स, र न्यू हिमालय फर्निचर गोदाम, फलफूल पसल र ज्ञवाली किताब पसलमा आगलागी भएको हो । करिब बिहिवार साझ ६ बजे लागेको आगो साढे ३ घन्टा पछि नियन्त्रणमा आएको जिल्ला प्रहरी कार्यालय बाँकेला प्रमुख प्रहरी उपरीक्षक वीर बहादुर वलीले बताए। आगलागी बाट पसल लगायत गोदामका सामाग्रीहरु जलेर नस्ट भएका छन् । बर्दियाको मधुवन र गुलरिया नगरपालिकाबाट १/१ वटा, कोहलपुर नगरपालिकाबाट १ वटा, राझा बिमानस्थलबाट १ वटा र नेपालगन्ज उपमहानगरपालिकाबाट २ वटा गरि ६ वटा दमकलले आगो निभाएको जिल्ला प्रहरी कार्यालय बाँकेका प्रहरी नायब उपरीक्षक शिव सिंहले बताए। आगलागी नियन्त्रणका लागि नेपाली सेना, सशस्त्र प्रहरी र नेपाल प्रहरीहरुले अहम भुमिका निभाएका थिए। आगलागीबाट करिब अनुमानित ५० लाख रुपैयाँको नोक्सानी भएको हुन सक्ने भए पनि क्षतिको विवरण भोलि मात्र आउने वडा प्रहरी कार्यालय नेपालगन्जका प्रमुख प्रहरी निरीक्षक हरि बहादुर बस्नेतले बताए।

प्रकाशित मिति: बिहीबार, कात्तिक ७, २०७६ २२:४२