कोरोनाबाट कोहलपुरकी ६८ वर्षीया महिलाको मृत्यु

समाचार

गृहपृष्ठ
समाचार
कोरोनाबाट कोहलपुरकी ६८ वर्षीया महिलाको मृत्यु

कोरोनाबाट कोहलपुरकी ६८ वर्षीया महिलाको मृत्यु

शनिबार, मंसिर ६, २०७७ बागेश्वरी पोस्ट

सांंकेतिक तस्बिर

नेपालगञ्ज । बाँकेमा आज थप एक जना कोरोना संक्रमितको मृत्यु भएको छ । कोहलपुर नगरपालिका वडा नम्बर ११ की ६८ बर्षीया महिलाको आज दिउँसो ३ बजे उपचारका क्रममा भेरी अस्पतालमा मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो ।

श्वासप्रश्वास सम्बन्धि समस्या आएपछि कार्तिक २८ गते नेपालगन्ज मेडिकल कलेज कोहलपुरमा भर्ना भएकी उनको कोभिडको आशंकामा त्यसै दिन स्वाब लिइएको थियो । भोलिपल्ट उनमा कोरोना पुष्टि भएको थियो । त्यसपछि आइसोलेसन वार्डमा राखेर उपचार गरिएकी उनलाई स्वास्थ्यमा सुधार नभएपछि घरपरिवारको अनुरोधमा मंसिर १ गते भेरी अस्पताल ल्याइएको थियो ।

यो संगै बाँकेमा कोरोना संक्रमणबाट मृत्यु हुनेको संख्या ३८ पुगेको छ । बाहिरी जिल्लाबाट उपचारका लागि आएका ४४ जनाको मृत्यु भएको छ ।

प्रकाशित मिति: शनिबार, मंसिर ६, २०७७ १७:४३

प्रतिक्रिया दिनुहोस्