डुडुवा गाउँपालिकाद्वारा घरमै पुगेर ब्यक्तिगत घटना प्रमाणपत्र वितरण

देश/समाज

Home
देश/समाज
डुडुवा गाउँपालिकाद्वारा घरमै पुगेर ब्यक्तिगत घटना प्रमाणपत्र वितरण

डुडुवा गाउँपालिकाद्वारा घरमै पुगेर ब्यक्तिगत घटना प्रमाणपत्र वितरण

बुधवार, माघ ७, २०७७ बागेश्वरी पोस्ट

डुडुवा(बाँके )। बाँकेको डुडुवा गाउँपालिकाले अनलाईन व्यक्तीगत घटना दर्ता प्रमाणपत्र वितरण प्रक्रिया आजदेखि शुरु गरेको छ । आज एक कार्यक्रमका विच गाउँपालिका अध्यक्ष नरेन्द्रकुमार चौधरीले गाउँपालिकाको वडा नं २ सन्तलिया गाउँका दिलराज भुजवाका छोरा प्रदिप गुप्ताको जन्मदर्ता प्रमाणपत्र प्रदान गर्दै वितरणको कार्य शुभारम्भ गर्नुभयो । जन्मदर्ता प्रमाणपत्र वितरण गर्दै अध्यक्ष चौधरीले गाउँपालिकाका कुनै पनि नागरिक सेवाबाट बञ्चित नहुन भनेर घरघरमै सेवा पुरयाउने लक्ष्य अनुसार घरदैलो अभियानमार्फत घटना दर्ता प्रमाणपत्र वितरण शुरु गरिएको बताउनुभयो । गाउँपालिकाले केहीदिन अघि अनलाइन व्यक्तीगत घटना दर्ताको विवरण संकलन गरेको थियो । विवरण संकलनपछि अनलाइनमा दर्ता गरि प्रमाणपत्र बनाएर अहिले घर घरमा वितरण शुरु गरिएको स्थानीय पञ्जिकाधिकारी तथा वडासचिव शिवपाल मौर्यले जानकारी दिनुभयो । गाउँपालिकाका कुनै पनि नागरिकले सेवाबाट वञ्चित नहुन र समयमा नै घटना दर्ता गर्ने बानीको विकास गर्ने उद्देश्यले घर घरमा पुगेर घटना दर्ताको विवरण संकलन गरि वितरण शुरु गरिएको हो । नेपाल सरकार गृह मन्त्रालय राष्ट्रिय परिचयपत्र तथा पञ्जिकरण विभाग अन्र्तगत डुडुवा गाउँपालिकाद्धारा व्यक्तीगत घटना दर्ता गरिएको हो । गाउँपालिकाको वडा नं १ होलिया र वार्ड नं २ बेतहानीमा बुधबारदेखि शुरु गरिएको घरदैलो अभियान अन्र्तगत आज करिब ३० जनालाई प्रमाणपत्र वितरण गरिएको छ । शिविरमार्फत गाउँपालिकाबाट वडा सचिवसहितको करिब ४२ जना जनशक्ति परिचालन गरि वडा नंं १ देखि ६ सम्म करिब १० हजार घरधुरीमा घटना दर्ता अन्र्तगत जन्म, मृत्यु, विवाह र बसाई सराइ लगायतका अनलाइन घटना दर्ताका लागि विवरण संकलन गरिएको पालिकाका एम आइ एस अपरेटर कौशलकुमार कैरातीले बताउनुभयो ।

प्रकाशित मिति: बुधवार, माघ ७, २०७७, ०५:४३:००

प्रतिक्रिया दिनुहोस्