डिएसपी रमेश सिंहको उत्कृष्ट कार्य, भाग्दै गरेको हत्या आरोपीलाई गोली हानी पक्राउ

समाचार

गृहपृष्ठ
समाचार
डिएसपी रमेश सिंहको उत्कृष्ट कार्य, भाग्दै गरेको हत्या आरोपीलाई गोली हानी पक्राउ

डिएसपी रमेश सिंहको उत्कृष्ट कार्य, भाग्दै गरेको हत्या आरोपीलाई गोली हानी पक्राउ

आइतबार, पुस २७, २०७६ बागेश्वरी पोस्ट

डिएसपी रमेश बहादुर सिंह

काठमाडौं । अपराधको नाम जरैदेखि मेटाउनु पर्छ भन्ने प्रहरी अधिकृत डिएसपी रमेश बहादुर सिंहले फेरि सराहनीय कार्य गरेका छन् ।

महानगरीय प्रहरी बृत्त बौद्धका प्रमुख डिएसपी सिंहको कमान्डको टोलीले ज्यानमारा मुद्दाका फरार( गुण्डा ) अभियुक्तलाई पक्राउ गर्न गोली चलाएर पक्राउ गर्न सफल भएको छ।

फरार अभियुक्त सिन्धुपाल्चोकका विष्णु लामा तामाङलाई पक्राउ गर्न खोज्दा भागेपछि प्रहरीले घुँडामनि गोली हानेको हो। विशेष सूचनाको आधारमा जम्भुडाँडा गएको बौद्द प्रहरी टोली तामाङ संंग जम्काभेट हुँदा उनी भागेपछि पक्राउ गर्न घुँडामुनि गोली हानेर पक्राउ गरिएको महानगरीय प्रहरी बृत्त बौद्दका प्रमुख डिएसपी रमेश बहादुर सिंहले बताए।

तामाङको अहिले वीर अस्पतालमा उपचार भइरहेको सिंहले बताए। गुण्डाका नामले चिनिने बिष्णु लामा तामाङले २०७३ सालमा सिन्धुपाल्चोकम १७ महिने बालिकाको हत्या गरेको अभियोग छ।यसैगरि,२०७५ साल भदौमा मेडिकल कलेजका विद्यार्थीलाई तामाङले खुकुरी प्रहार गरेर घाइते बनाएको आरोप रहेको डिएसपी सिंहले बताए।

चाहे सानो या ठुलो अपराध गरेको अपराधी नै किन नहोस् कसैलाई नछाड्ने प्रवृत्तिका डिएसपी हुन् सिंह ।डिएसपी सिंहले आफ्नो बौद्ध आधार ईलाका बाट कयौं अपराधीहरु लगायत लाखौ लाख रुपैयाँ सहित जुवाडेदेखि बलात्कारी समेत पक्राउ गरेका छन् ।

यति मात्रै होइन्, डिएसपी सिंह यसअघि ईलाका प्रहरी कार्यालय कोहलपुरको एक बर्षेे कार्यकालमा प्रमुख रुपमा कार्य गर्दा गुण्डादेखि टयापे- मुन्द्रे, अपराधी, बलात्कारी, तस्कर लगायत कानुन मिच्ने धेरैलाई कानुनी कठघेरामा ल्याइसकेका छन् ।

प्रकाशित मिति: आइतबार, पुस २७, २०७६ २०:२८

प्रतिक्रिया दिनुहोस्