केही जिल्लाका प्रजिअ र कारागार ब्यबस्थापन बिभागका निर्देशक फेरिए

समाचार

गृहपृष्ठ
समाचार
केही जिल्लाका प्रजिअ र कारागार ब्यबस्थापन बिभागका निर्देशक फेरिए

केही जिल्लाका प्रजिअ र कारागार ब्यबस्थापन बिभागका निर्देशक फेरिए

सोमबार, पुस २८, २०७६ बागेश्वरी पोस्ट

काठमाडौं । गृह मन्त्रालयद्वारा केही जिल्लाका प्रमुख जिल्ला अधिकारीहरु परिबर्तन गरिएको छ।

गृहले ४ जिल्लाका प्रजिअसँगै कारागार व्यवस्थापन विभागका निर्देशक र प्रमुख अध्यागमन अधिकृतकोसमेत सरुवा गरेको छ । परिबर्तन हुनेमा कपिलवस्तुका प्रजिअ गजेन्द्रबहादुर श्रेष्ठको कारागार व्यवस्थापन विभागमा सरुवा भएको छ । श्रेष्ठको ठाँउमा सहसचिव वासुदेव घिमिरेको सरुवा भएको छ। कारागार व्यवस्थापन विभागमा कार्यरत घिमिरे धादिङको प्रमुख जिल्ला भइसकेका व्यक्ति हुन् ।

जिल्ला प्रशासन कार्यालय, रौतहटको कायममुकायम प्रमुख जिल्ला अधिकारीको जिम्मेवारीमा रहेका किरण थापालाई भने त्यहाँबाट सरुवा गरेर त्रिभुवन अन्तर्राष्ट्रिय विमानस्थल अध्यागमन कार्यालय तानिएको छ। गृहमा कार्यरत उपसचिव रमा आचार्यले सोलुखुम्बुको प्रमुख जिल्ला अधिकारीमा सरुवा भएको छ ।

आचार्यलाई सोलुखुम्बुको प्रजिअ बनाएर पठाइँदा त्यहाँ कार्यरत वेदनिधि खनाललाई भने सहायक प्रजिअ बनाएर रूपन्देही सरुवा गरिएको गृह मन्त्रालयले जनाएको छ ।

प्रकाशित मिति: सोमबार, पुस २८, २०७६ ०८:५६

प्रतिक्रिया दिनुहोस्