एक बर्षअघि बसमा महिलामाथीको अश्लिल हर्कत: बर्ष दिनपछि एक युवक पक्राउ

समाचार

गृहपृष्ठ
समाचार
एक बर्षअघि बसमा महिलामाथीको अश्लिल हर्कत: बर्ष दिनपछि एक युवक पक्राउ

एक बर्षअघि बसमा महिलामाथीको अश्लिल हर्कत: बर्ष दिनपछि एक युवक पक्राउ

मंगलबार, पुस २९, २०७६ बागेश्वरी पोस्ट

null

काठमाडौं । एक वर्षअघि सामाजिक सञ्जालमा भाइरल भएको ‘बस काण्ड’ प्रकरणलाई लिएर प्रहरीले एक जनालाई पक्राउ गरेको छ। सोमबार साँझ चितवनबाट प्रहरीले एक व्यक्तिलाई पक्राउ गरेको हो ।

यद्यपि, पक्राउ पर्नेको नाम खुलाइएको छैन । उनलाई राति नै काठमाडौंतर्फ ल्याइएको छ । पक्राउ परेका व्यक्तिले भिडियो अपलोड गरेको स्वीकारेका छन् । स्रोतले भन्यो, ‘तर, आफूले महिलामाथि अभद्र व्यवहार नगरेको दाबी गरेका छन् ।’ भाइरल भएको एक भिडियोमा सार्वजनिक बसभित्र युवकले हस्तमैथुन गरेको दृष्य थियो । उनको बिर्य अघिल्लो सिटमा बसेकी महिलाको कपालमा परेको पनि देखिन्थ्यो । युवक र महिला दुवैको अनुहार भने देखिएको थिएन । त्यसैले अनुसन्धान जटिल भएको थियो ।

यस प्रकरणलाई लिएर बसमा महिलाहरु असुरक्षित भएको भन्दै गत वर्ष करिब दुई दर्जन युवतीहरु महानगरीय अपराध अनुसन्धान महाशाखा, टेकुमा पुगेका थिए । उनीहरुले प्रहरीलाई अनुसन्धान गरेर सत्य, तथ्य सार्वजनिक गरिदिन आग्रह गरेका थिए । यो पनि पढ्नुहोस सार्वजनिक यातायातमा किशोरी असुरक्षित त्यसपछि नै प्रहरीले अनुसन्धान थालेको थियो । त्यसक्रममा भिडियो सुरुमा अपलोड गरिएको समूहको पहिचान प्रहरीले गरेको थियो ।

अनुसन्धानका क्रममा सामाजिक सञ्जाल फेसबुकको मुख्यालयमा पनि इमेलबाट सम्पर्क गरेर सहयोग मागिएको थियो । महानगरीय अपराध अनुसन्धान महाशाखा, टेकुको टोलीले लामो निगरानी र अनुसन्धानपछि ती व्यक्तिलाई पक्राउ गर्न सफल भएको हो । मंगलबार दिउँसो पत्रकार सम्मेलन गरेर अभियुक्तलाई सार्वजनिक गर्ने तयारी गरिएकाले पक्राउ पर्नेको नाम सार्वजनिक नगरिएको महाशाखाका एक अधिकृतले बताए।

भिडियो सामाजिक सञ्जालमा भाइरल भएपछि प्रहरीले पनि चासो देखाएको थियो । प्रहरी प्रधान कार्यालय, नक्सालले पनि प्रेस विज्ञप्ति जारी गरेर ध्यानाकर्षण भएको जनाएको थियो । तत्कालीन केन्द्रीय प्रवक्ता एसएसपी उत्तमराज सुवेदीद्वारा जारी विज्ञप्तिमा भनिएको थियो, ‘सवारी साधनभित्र गरिएको अश्लिल हर्कतसम्बन्धी भिडियोमाथि सम्बन्धित इकाइहरुबाट सुक्ष्म अनुसन्धान भइरहेको छ ।’ उनले घटनाबारे स्पष्ट भएपछि सत्य, तथ्य प्रकाशमा ल्याइने जनाएका थिए । हाल सुवेदी नै काठमाडौं प्रहरी प्रमुख छन् ।

अपराध महाशाखाले त्यसबेलै भिडियो खिचिएको बस काठमाडौंको डल्लु क्षेत्रमा कद्ने पत्ता लगाएको थियो । ट्वीटरमा राखिएको सूचनापछि प्राप्त सूचनाको आधारमा बसमा चढ्ने एक अर्की महिलासम्म प्रहरी पुगेको थियो । उनैले पीडित भनिएकी महिलासँग प्रहरीलाई भेट गराइदिएकी थिइन् । बयानका क्रममा ती महिलाले गाडीबाट ओर्लिएपछि मात्रै गलत कार्यबारे थाहा पाएको बताएकी थिइन् ।

अनलाइन खबरबाट साभार।

प्रकाशित मिति: मंगलबार, पुस २९, २०७६ ०९:१९

प्रतिक्रिया दिनुहोस्