मोटरसाइकल दुर्घटनामा २६ वर्षीय युवकको मृत्यु, पाँच जना घाइते

समाचार

गृहपृष्ठ
समाचार
मोटरसाइकल दुर्घटनामा २६ वर्षीय युवकको मृत्यु, पाँच जना घाइते

मोटरसाइकल दुर्घटनामा २६ वर्षीय युवकको मृत्यु, पाँच जना घाइते

सोमबार, पुस ४, २०७९ बागेश्वरी पोस्ट

नेपालगञ्ज । पूर्व पश्चिम राजमार्ग अन्तर्गत पर्ने कञ्चनपुर कृष्णपुर नगरपालिकाको लालझाडी वन क्षेत्रमा गएराति भएको दुर्घटनामा परी एक जनाको ज्यान गएको छ ।

इलाका प्रहरी कार्यालय झलारीका प्रहरी निरीक्षक ज्ञानेन्द्रबहादुर सिंहका अनुसार म २ प ६१८९ नम्बरको स्कुटरलाई सुदूरपश्चिम प्रदेश ०१००८ प १५८७ नम्बरको मोटरसाइकलले ‘ओभरटेक’ गर्दा बेलडाँडीका अन्दाजी २६ वर्षीय कृष्णसिंह साउदको ज्यान गएको हो ।

दुर्घटनामा परी घाइते भएका साउदलाई प्रहरीको सहयोगमा कैलालीको माया मेट्रो अस्पतालमा उपचारका लागि पुर्याउँदै गर्दा ज्यान गएको प्रहरी निरीक्षक सिंहले बताए । ट्र्याक्टरमा रहेका कैलालीको घोडाघोडी नगरपालिका पहलमानपुरका चार जना महिला र स्कुटर चालक वेदकोट नगरपालिका–३ का कोमलबहादुर सिंह घाइते भएका छन् । घाइतेको कृष्णपुरमा रहेको स्वास्थ्यचौकीमा उपचार भइरहेको छ ।

घाइते पाँचै जनाको अवस्था सामान्य रहेको प्रहरीले जनाएको छ । ट्र्याक्टर र चालकलाई इलाका प्रहरी कार्यालय झलारीले नियन्त्रणमा लिएको छ । रासस

प्रकाशित मिति: सोमबार, पुस ४, २०७९ ११:०५